حمو بيكا يوجه رسالة لـ طلاب الثانوية العامة
حرص مؤدى المهرجانات، حمو بيكا ، على توجيه نصيحة إلى طلاب الثانوية العامة، قبل بدء الامتحانات غدًا، متمنيا لهما النجاح والتوفيق.
وكتب حمو بيكا عبر حسابه الشخصى على انستجرام قائلا: " بكره تعتبر بداية الامتحانات النهائية للثانوية العامة، وأنا مش جاي أديك موعظة ولا جاي أعمل شيخ عليكم..بس أنا جاي أقول لك إنك قد أي حاجة في الدنيا، وتعرف تعمل أي حاجة طالما عندك إصرار وحلم هتوصل يعني هتوصل".
وأضاف حمو بيكا: "الثانوية العامة مش نهاية الرحلة والمطاف ليكم، وإنما هي بداية الحلم الحقيقي اللي نفسك تحققه، اتعلموا العلم حلو أوي، العلم بيستر صاحبه، أنا لو رجع بيا الزمن كنت اتعلمت وأكلت الكتب اكل.. ربنا معاكم يا رب وتحققوا كل أحلامكم."
