" ده أنا غلبان و"بلد بتاعت شهادات صحيح".. اشهر افيهات الزعيم

قدم الزعيم عادل امام كل الأنواع الفنية "دراما، أكشن، كوميدى، اجتماعى، منحرف، ارهابي، هلفوت، صعيدي، فلاح،"واشتهر بإفيهاته التي لا تزال تتردد على ألسنة جمهوره حتى يومنا هذا .

ونرصد ابرز واشهر افيهات الزعيم عادل امام عبر مسيرته وتاريخه الفنى الطويل.

- لا تزال إفيهات "سرحان عبد البصير"، فى شاهد ماشفش حاجة وهى الشخصية التى جسدها الزعيم فى العمل المسرحى، تتردد حتى يومنا هذا، فنجد ابرز هذه الجمل : "متعودة دايمًا"، و"رقاصة وبترقص"، و" أنا اسمي مكتوب"، و " ده أنا غلباااااااااان"، و"البيه خرونق برضه" .. ولا ننسى الجملة الشهيرة : عندما قال " يا بيه لو كل واحد عزل عشان تحتيه واحده رقاصة.. البلد كلها حتبات فى الشارع".

- كان الزعيم عادل امام، هو نفسه الطالب بهجت الاباصيرى في مدرسة المشاغبين، وهو الذى ردد جمل أصبحت تقال لجميع الأجيال اللاحقة عندما قال لأساتذته عفت سهير البابلي عندما طلبت منه الوقوف: "بعد 14 سنة خدمة فى ثانوى بتقولى أقف".. وفي إفيه آخر خلال نفس المسرحية قال "المدارس باظت يا جدعان.. فين مدارس زمان فين أيام رفاعة الطهطاوي وعلي أمين وزكي جمعة.. مين زكي جمعة دا" .. بخلاف إفيه آخر وهو "كل واحد يخلى باله من لغاليغو".

- في فيلم "مرجان أحمد مرجان" قال الزعيم لسكرتيره الخاص "محمد شومان": "اللي فوق مش مضمونين يا حسن.. البلد دي عشان تعيش فيها لازم تظبط من فوق ومن تحت.. عشان لو اللي فوق سابوك اللي تحت يلقفوك، ولو اللي تحت سابوك اللي فوق يحموك".

- وايضا من ضمن احداث فيلم "كراكون فى الشارع"، وهى الجملة التى قالها عادل امام لزوجته "يسرا" وهى : "أنا شربت حشيش يا سعاد" .

- وجملته فى فيلم "عنتر شايل سيفه" وهى : "الساعة بخمسة جنيه والحسابة بتحسب" .. وفى فيلم "أنا وهو وهي" امام فؤاد المهندس وشويكار، قال الزعيم جملته الابرز : "بلد بتاعت شهادات صحيح".