مدير أعمال شيرين عبد الوهاب يكشف سر سقوطها على المسرح
كشف إيهاب صالح، مدير أعمال الفنانة شيرين عبد الوهاب،تفاصيل حالتها الصحية بعد سقوطها على المسرح بالأمس، أثناء إحيائها حفلًا في إمارة دبي.
واضاف مدير أعمال شيرين عبد الوهاب في تغريدة أخرى عبر صفحته الشخصية على تويتر, انها بعد الحفل قامت بالذهاب الى المستشفى لاجراء فحوصات بعد سقوطها ، وخرجت من المستشفى وانها بخير.
ووجه إيهاب صالح رسالة الى جمهورها قائلا: "شكر كبير جدًا لدولة الإمارات وإمارة دبي على واحدة من أعظم حفلات شيرين على الإطلاق.. وده بشهادة الجمهور العظيم والرهيب اللي كان حاضر امبارح وطبعًا أكيد حابب أشكر جدًا شركة moments على التنظيم الرائع والمحترم وكرم الضيافة.
وأردف مدير أعمال شيرين عبد الوهاب : أخيرًا بقى بالنسبة للمفاجآت اللي وعدتكم بيها قبل الحفل، خليكم واثقين إن اللي جاي كتير جدًا وحفلات في كل حتة إن شاء الله.. ومش هنهدى بأي شكل عشان شيرين عندها طاقة وحماس ملهمش آخر.. ووعد مني إن شاء الله نعوضكم.
واختتم مدير أعمال شيرين عبد الوهاب حديثه قائلًا: آخر وأهم حاجة هي للناس اللي بتجرح بالكلام وحديث عن النبي محمد صلى الله عليه وسلم: “لا يستقيم إيمان عبد حتى يستقيم قلبه، ولا يستقيم قلبه حتى يستقيم لسانه”.
وتابع إيهاب صالح : جمهور شيرين عبد الوهاب أنا دايمًا عارف أنكم سند وضهر ليها.. بس عمري ما كنت أتخيل أنكم بالحجم والعظمة دي بجد ما شاء الله.. عايز أطمنكم إن شيرين بخير.. وخرجت من المستشفى بعد شوية فحوصات وإشاعات على رجليها.. بعد ما تحاملت على نفسها عشان تكمل الحفل بنجاح.. شكرًا بجد على كل الحب والدعم ده.
مدير أعمال شيرين عبد الوهاب يكشف سر سقوطها على المسرح
مدير أعمال شيرين عبد الوهاب يكشف سر سقوطها على المسرح
مدير أعمال شيرين عبد الوهاب يكشف سر سقوطها على المسرح
