إنهيار منزل في المنوفية بسبب إنفجار أنبوبة بوتجاز

المحاسب السيد حسن عبد العال رئيس مركز ومدينة شبين الكوم فى

الأحد 16/أبريل/2023 - 07:27 م

إنهار منزل في قرية بخاتى مركز شبين الكوم محافظة المنوفية بسبب إنفجار أنبوبة البوتجاز .

تلقي اللواء حازم سامي مدير أمن المنوفية إخطاراً من مأمور مركز شرطة شبين الكوم بحدوث تسرب غاز وإنفجار فى منزل ملك على.م.ا أسفر عن انهيار المنزل وإصابة صاحبه بحروق شديدة ،

تم إرسال قوة أمنية إلى الموقع برئاسة المقدم محمد المغربي رئيس مباحث مركز شبين الكوم وتبين أن تسرب غاز من أنبوبة البوتجاز إلى المنزل بالكامل , وعند إضاءة مصباح كهربائى إشتعلت النيران بالمنزل وانفجرت أنبوبة الغاز, وتمكنت قوات الحماية المدنية بقيادة العميد محمد حمدان مدير الحماية والنقيب محمود عبد الغفار من إخماد النيران ومنع إنتقالها إلى المنازل المجاورة وإنقاذ 3 أفراد بالمنزل.

وإنتقل المحاسب السيد حسن عبد العال رئيس مركز ومدينة شبين الكوم على الفور للمعاينة على الطبيعة .

وقد أكد رئيس المركز والمدينة على ضرورة التعامل الفوري مع أية أزمات أو مخاطر تواجه المواطنين وان العمل مستمر للتواصل والتواجد فوراً على أرض الواقع لمواجهة أي مشكلات .

وكتب المحامى هادى شاكر بركات على صفحة قرية بخاتى قائلاً : صحينااا اليوم علي فاجعة .. لجار لنا بجوار منزلي.. بأنفجار أنبوبة الغاز .. وفقد كافة محتويات المنزل .. وتكسير كافة الجدران .. وفجأه وفي اقل من خمس دقائق فوجئنا بمنزل ثلاثة اداور وأهل بيته جميعا في الشارع وهلاك كافة محتويات المنزل .. الجدران من شدة الانفجار اتلفت المنازل المجاورة.. والصور خير دليل علي ذلك.. الفاجعة اصعب بكثير مما رأيناه .. الشاب اللي كان في الشقة .. في المستشفي حروووق من الدرجة الثالثة وبنسبة ٢٥٪.. حالته صعبه جداا غير استنشاقه للغاز وقوة الانفجار كان بالقرب من الأنبوبة بمتران فقط.. الأمر يحتاج مناااا الكثير وان عارف أهل قريتي المخلصين الأوفياء .. مطلوب مننا التحرك سريعا .. عفش البيت في المنزل ويوجد حراسة من الشرطة وأهل المنزل لا يستطيعون الدخول الي المنزل .. ينتظروووون لا قدر الله وقوع المنزل بالكامل والمنزل الان واقف علي جداريين فقط وايل للسقوط في أي وقت .. والله مهما احكي مش هيجي نقطة في اللي شفناه وعشناااا الناس كلهاا.. أهل منطقتي كلهم أمام المنزل منتظرين اي قرار .. يبدأو بيه ننزل العفش أو يتم ازالة البيت كلنا هنا واقفين منتظرين اي المطلوب مننا علشان نعمله.. المعاينة اللي نزلت قالوووو البيت بالكامل محتاج إزالة ويستحيل ترميمه البيت .. المنزل يسكن فيه ثلاثة أشقاء ربنا يبارك فيهم جميعا .. كلهم بشتغلوا باليومية محدش فيهم صاحب شغل أو شغال في الحكومة كل واحد بيطلع الصبح علي شغله باليومية .. الناس دي والله لو ما هيلاقوا مكان يباتوااا فيه والله ما هيمدو اديهم ولا هيسألوا الناس .. والله دول من انقي أهل البلدة ..

المطلوب منااااا .. نتحرك بسرعة .. عاوزين نخلي البيت من العفش اللي فيه .. عاوزين نشوف أو فيه إعانة من المحافظة ولا .. عاوزين نطلع قرار الإزالة بسرعة ويتم الإزالة في اسرع وقت حافظا علي الجيران والأطفال .. عاوزين نجمع لهم مبلغ من المال عن طريق جمعية أو أي مؤسسة حكومية تتم بشكل قانوني .. عاوزين أهل العلم يقولو أن كان ينفع فلوس الزكاة تطلع لاهل البيت من عدمه .. انا بخاطب أهل قريتي الاعزاء.. احبابي . اصدقائي .. اصحابي ومعارف .. وبخاطب جميع المؤسسات الخيرية.. وهذكر بالاسم أهل الخير بالقرية .. الجمعية الخيرية ببخاتي .. لجنة الشباب.. لجنة الزكاة .. الجمعية الشرعية .. كل اهل الخير.. الأستاذة الاجلاء المتواصلون دائما مع أعضاء مجلس النواب .. وكل أهل الخير .. يا ريت تسعدونااااااااا.. والله أهل البيت يستحقوا بالفعل الوقوف بجانبهم .. والله الأمر اصعب بكثير من الصور والكلام المكتوبة .. والله فاجعة بمعني الكلمة .. كل واحد مننا صحي علي أن الكارثة في بيته مش في بيت الجيران .. بيوت الجيران اتأثرت الزجاج اتكسر واحنااا بعيد عن المنزل.. فما بالكم بأهل المنزل والفاجعة التي تعروووض لهااا.. بالله عليكم .. يا ريت نتجمع ونشوف هنعمل ايه.. أهل البيت لا حول لهم ولا قوة .. ربنا يبعد عنا كل شر ويسترهاااا يا رب علينا جميعا ويبعد عنا كل ازي .. مكتبي مفتوح لو محتاجين مكان للجلوس فيه .. او اي مكان تاني .. أنا في انتظار حضراتكم.