إيمان العاصي عن مقلب رامز جلال: لو أعرف مستحيل أروح

كشفت النجمة إيمان العاصي عن موقفها من إستضافتها في برنامج رامز نيفر إند الذي يقدمه النجم رامز جلال حيث وقعت ضحيته في الحلقات الأولى من البرنامج لموسم رمضان 2023.

قالت إيمان العاصي خلال استضافتها في برنامج تفاعلكم المذاع عبر قناة العربية: ضهري قعد أسبوع واجعني ومحصليش حاجة كبيرة ولكن اتألمت وأنا بلف في الغسالة .. مسامحة رامز لأني أعرفه من زمان جدا وإحنا أصحاب وبحبه جدًا جدًا وإحنا خدناه كله على بعضه كده بجنانه وتفكيره اللي محدش يتخيله.

وأضافت: لو كنت أعرف بالمقلب مكنتش هروح طبعًا .. أنا بخاف وجبانة جدًا .. حتى لو أنا عايزة أروح وبلغوني بالموضوع مش هتخيل هيعمل إيه وهفكر في إن ممكن يكون حظي وحش وأبقى الضحية الحقيقية بجد .. ولو كنت أعرف مستحيل كنت أروح.