نهى العمروسي: تعرضت للتحرش من فنان واديته على دماغه
كشفت الفنانة نهى العمروسي تفاصيل تعرضها للتحرش، أثناء تصوير أحد أعمالها الدرامية، وكيف تعاملت مع هذا الموقف.
وتابعت نهى العمروسي خلال تصريحات تليفزيونية مع الإعلامية أميرة بدر: كنا بنصور مسلسل والبطل بتاعه اتحرش بيا وحط ايده عليا، واديته على دماغه، واحنا مش صحاب عشان يحط ايده عليا ولكن في لمسة عن لمسة تفرق، وده مش أول ولا أخر تحرش.
واستكملت نهى العمروسي حديثها: المواقف اللي بتحصلي في الوسط الفني بعرف أعديها ولساني طويل، وبسيحله قدام الناس، ولما أنت تمد ايدك عليا على أساس أني مشاع ف أشرب لما أنا أفضحك، ومش واحد بس دول كتير، ومحدش يعرف ياخد مني حاجة غصب عني، وهو مش ممثل واحد ، ومقدرش أقول أسمه بقى الله يرحمه، واتعرضت للتحرش من وأنا طفلة.
