بطريقة مبسطة.. اعرف كيف قدرت الإفتاء قيمة زكاة الفطر

أوضحت دار الإفتاء المصرية كيفية تقديرها لحساب زكاة الفطر هذا العام حيث نشرت عبر صفحتها الرسمية على موقع فيسبوك منشور يوضح ذلك وجاء فيه:

حسبناها على القمح اللى بيتعمل منه العيش اللى كل الناس فى مصر بتاكله لأن بيوت كتير مش بتاكل لا رز ولا تمر ولا زبيب.

سعر أردب القمح كام ١٧٠٠ جنيه
والأردب فيه ١٥٠ كيلو
فيصبح سعر الكيلو كام ١١.٣٣ إحدى عشر جنيه وثلاثة وثلاثون قرشًا
طيب والزكاة أد ايه ٢.٦ كيلو
يبقى نضرب ٢.٦ كيلو * ١١.٣٣
يطلع الناتج ٢٩.٤٦.

ودار الإفتاء قالت إنه ٣٠ جنيه
و ٣٠ جنيه الحد الأدنى يعني طلع أكتر من ٣٠ جنيه لو معاك ودخلك يسمح لك بس اللى مش هيقدر فأقل حاجه يطلعها عن الفرد ٣٠ جنيه.

طيب أنا شايف إن ٣٠ جنيه قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن ٣٠ جنيه ولا تلزم غيرك يطلع زيك لأن ممكن يكون غير قادر
وتخرج قبل صلاة العيد

ولفتت الإفتاء إلى أنه إذا لم يلحق المسلم إخراجها فممكن الأخذ برأي السادة الشافعية بتطليعها قبل غروب شمس يوم عيد الفطر.