أنوشكا: أول أجر ليّ كان 30 جنيهًا وفرحت جدًا وبدأت الغناء مبكرًا

أكدت الفنانة أنوشكا ان فترة بدايتها في غناء الإعلانات كانت في توقيت مناسب علمها الوقوف أمام الكاميرا واستخدام الميكروفون بشكل احترافي.

وأضافت: "أول أجر أخدته كان 30 جنيه وخصموا منه 10%، وكان بالنسبة لي فرح كبير جدا وكنت لسه طالبة في الجامعة، واتعلمت مخارج الألفاظ واستخدام الصوت في توصيل المعلومات".

وتابعت أنها كانت تغني في الجامعة وسمعها أحد الأشخاص وقرر أن يشركها في الإعلانات قائلة: "أول يوم غنيت كنت بسمع الإعلان في التليفزيون وأنا جنب والدي في البيت وقالي الصوت ده قريب من صوتك واعترفت له إن ده صوتي، وكنت بحب اتخذ القرار طالما مش غلط أو عيب، وكنت بحب أعتمد على نفسي وأني أكسب فلوس لأني مش بحب آخد فلوس من والدي".