حسام حبيب: شيرين عبد الوهاب أقنعتني نرجع لبعض وخايف تاكلني علقة موت
علق الفنان حسام حبيب على عودته للفنانة شيرين عبد الوهاب وكتب كتابهما من جديد.
حيث أكد حسام حبيب خلال مداخلة هاتفية ببرنامج الحكاية الذي يقدمه الإعلامي عمرو أديب قائلًا: "شيرين عبد الوهاب هي اللي أقنعتني بكتب الكتاب وإننا نرجع لبعض بس خايف لما قلت كدا تاكلني علقة".
وأضاف:"احنا زي أي اتنين في الدنيا وخناقتنا هبلة وعبيطة بس الحاجات بتاعتنا لما تطلع على الهواء بتكبر، ولكن حياتنا هتبقى مقفولة علينا وبس، وعملنا اتفاق ووعد إن كل واحد فينا هيشرف التاني ويخلى التاني فخور به".
واختتم حسام حبيب: "اقول للناس اللي هاجمتني أنا هغيظكم علشان بحبها زيي زيكم ومش بحب أدافع عن نفسي".
