اعترف المتهم بانتحال صفة موظف بنك والنصب على المواطنين في مدينة نصر أمام جهات التحقيق المعنية بعد القبض عليه من جانب أجهزة الأمن التابعة لوزارة الداخلية قائلاً: «كنت بحاول أقنعهم إني موظف في البنك المركزي عشان أهرب من اسم البنك"، وإني عاوز بياناتهم وأرقام الفيزا بحجة إن البنك طالب تحديث لبيانات العملاء».

وأضاف المتهم خلال جلسة التحقيق أمام النيابة العامة: «كنت بتصل بالضحية على الموبايل وأقوله إني موظف في البنك ومحتاجين تعديل بيانات، وبعد ما آخد كل اللي محتاجه من بيانات بسحب أكبر مبلغ ممكن، أو أشتري أجهزة أون لاين من على الإنترنت».

وأضاف المتهم بالنصب على المواطنين خلال جلسة التحقيق: «أول ما أخد البيانات من الضحية كنت بتخلص على طول من الموبايل وشريحة التليفون، عشان بعد كدة ميعرفش يوصلي تاني ولا يعرفوا عني حاجة».

وكانت وزارة الداخلية قد أعلنت القبض على المتهم ، واتضح أنه عامل وله معلومات جنائية سابقة ومقيم في محافظة المنيا، ودفع المتهم كامل المبلغ المستولى عليه، وأمرت النيابة العامة بحبس المتهم 4 أيام على ذمة التحقيقات.