شتمني.. حسين الشحات يكشف كواليس أزمته مع الأباتشي شيكابالا فى السوبر
تحدث حسين الشحات لاعب النادي الأهلي عن كواليس أزمته مع الأباتشي على خلفية مباراة كأس السوبر المصري.
وقال الشحات في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد "لقيت مرة واحدة شيكبالا بيشتم ببصله انت بتشتم مين قالي بشتمك انت".
وتابع "سالت شيكابالا كذا مرة بتشتم مين وقالي بشتمك انت، احنا متقابلناش بعد الماتش لكن انا معنديش حاجة ناحيته".
وواصل الشحات "انا اكتر واحد دافعت عن شيكابالا لما الجمهور كان بيهاجمه، انا معملتش حاجة وكـ حسين عمري ما اخطات في حق حد سواء في الدوري او غيره".
وأضاف "عمري ما طلعت ادور على تريند او عملت لقطة، احنا كلنا زمايل، عمري ما اطلع اتكلم على زميل مش في مستواه علشان اطلع تريند، انا معنديش اي مشكلة مع اي حد".
