سليمان عيد: أول مرة اتشتم من 40 سنة والسبب الزمالك

أعرب الفنان سليمان عيد، عن حزنه الشديد بسبب موجة الإساءات التي طالته من بعض مستخدمي مواقع التواصل الاجتماعي، بعد نشره صورته أثناء احتفاله بفوز نادي الزمالك ببطولة الدوري العام.

وقال سليمان في تصريحات تلفزيونية، إنه تعرض للسب لأول مرة منذ 40 عاما منذ دخوله الوسط الفني، مشيرًا إلى أن هناك بعض الأشخاص نعتوه بالبواب، متابعا: أنا بشتغل في الفن بقالي 40 سنة محدش غلط فيا قد ما غلطوا فيا اليومين اللي فاتوا بسبب الصورة دي.. أنا نفسي الناس تبقى حبايب مع بعض دي لعبة، أنا ولادي أهلاوية كلهم وبنقعد نهزر مع بعض.. يعني إيه بواب؟ الإيفيه دمه تقيل، هو أي حد هياخد الدوري غير الأهلي هيتهان؟ وليه الزمالك دايما في مشاكل مبتخلصش، ولما الأهلي بيخسر الإعلام والدنيا بتقوم.

وأكمل: لازم يطلع قانون أو حاجة في موضوع الإساءة ده لأنه فعلًا مضايقني جدًا، وأنا بحب كل لاعيبة الأهلي والزمالك، أنا اتصدمت من الردود وبحاول أعرف مصدرها، لو معندناش أخلاق يبقى منتكلمش مع بعض.