حورية فرغلى ترد على منتقدى " القطة السافلة"

علقت الفنانة حورية فرغلي،على الهجوم الذي تلقته من قِبل الجمهور بسبب أغنية القطة السافلة، مؤكدة أن الجزء الخاص بها في الأغنية لا يوجد به أي لفظ خارج، مشيرة إلى أنه يوجد من يريد تشويه صورتها.

وقالت حورية خلال لقائها فى برنامج ترابيزة: أنا دلوقتي مش عارفة إذا كان غلط إني عملت أغنية القطة السافلة ولا لأ، في ناس بتقول أهو حاجة جربتيها وخلاص، وناس تقول مكنش المفروض تعملي كده يا حورية، طيب ما أنا عملت عبده موتة وكنتوا بتشتموني، وبتقولوا إزاي تعملي دور زي ده، الناس هاجمتني أوي ولكن بعد كده نجحوا الفيلم أوي.

وأضافت حورية فرغلي: أنا غيرت حياتي من ساعة ما جيت من أمريكا، أنا رجعت صفحة بيضاء وبختار الناس اللي تبقى حواليا، ولكن في ناس بتهاجمني، في حد عايز يقعدني في البيت، حد عايز يشوهني ويكسرني، في حاجة مش طبيعية.