"عبير صبري" ترثي شقيقها.. برسالة مؤثرة

أبدت النجمة عبير صبري حزنها الشديد علي فقدانها شقيقها. برسالة مؤثرة.

كتبت عبر حسابها علي "انستجرام" قائلة: كل يوم بيعدي الحزن والبكا والجرح بيزيد مش بيقل يا حبيبي حاسة كأن روحي عاملة حادثة ومخبوطة ومرمية علي الأرض مش قادرة اتحرك وبنزف حزن ومعنديش رغبة في أي شيء.

أضافت: ازاي انت كنت جميل كده وروحت مننا الحياة خلاص مش هترجع زي ما كانت أبداً. أنا فاكراك ليل نهار وبحبك وبدعيلك وكل الناس بتدعيلك يارب بحق رحمتك اللي وسعت كل شيء تفرح اخويا وابني في الجنة وتعوضه شبابه يارب يا أكرم الأكرمين.

كان أحمد شقيق الفنانة عبير صبري قد رحل عن عالمنا هذا الشهر. وتم تشييع جثمانه من مسجد السيدة عائشة وتم دفنه بمقابر الأسرة.