فتحى عبد الوهاب :"الفن عمره ما كان كده"
قام الفنان فتحي عبد الوهاب برفض اتهام الفن بتعليم العنف، بعد الجرائم الأخيرة التي حدثت ومنها جريمة قتل طالبة المنصورة نيرة أشرف والتي أحدثت جدلًا واسعًا، واتهم البعض الفن في انتشار مثل تلك الجرائم في المجتمع.
وقال فتحي خلال حديثه فى لـet بالعربي : لو الحكاية كده هل أول جريمة قتل في التاريخ كان مسلسلات برضه ولا إيه، في حاجة لها علاقة في غرائز البشر وكوامن النفوس البشرية.
وأضاف عبد الوهاب : ربنا زي ما حط فينا الشر حط الخير، فكرة أنه بناء على ثقافك وتربيتك وبيئتك وأخلاقك، بتغلب أنهي جانب واستعدادك لتحمل الضغوط ووعيك للواقع اللي يتعيش فيه، وده مالوش علافة بالمسلسلات والأفلام.
واختتم: الفن بيرتقي بالروح والمشاعر مش وسيلة تربية ولا تعليم.. الفن عمره ما كان كده، الفن حر عن كده مش هنقدر نقول إن ده السبب، لأن كده إحنا بنحمل الفن أكتر مما يحتمل فأعتقد أن الكلام ده فيه قصور.
