فى بيان رسمى.. نجم يد الزمالك يعلن اعتزاله

أعلن محمد رمضان هتلر لاعب كرة اليد بنادي الزمالك، اعتزاله، مؤكدًا أن الوقت الحالي هو الأنسب لاتخاذ هذا القرار.

ونشر هتلر بيانا رسميا عبر صفحته الشخصية بموقع التواصل الاجتماعي "فيس بوك" أوضح فيه قراره.

"اتخذت أصعب قرار ممكن لأى رياضى بيعشق لعبته وناديه إنه يأخذه وبعد تفكير كبير وتردد أكبر من كتر ما زمايلي طلبوا أرجع عن قراري بس الحقيقة أنا شايف إن ده الوقت المناسب وخلاص عاوز أرتاح".

"خصوصا أنا تعبت وقدمت كل اللي أقدر عليه واللي ما أقدرش وربنا يعلم خدت من صحتي ومن بيتي قد إيه"

"ربنا يعلم إنى أخلصت فيها عشان بحبها وبحب أعظم نادي في الكون وكان له الفضل بعد ربنا في اللي أنا وصلتله وفي تكوين شخصيتى هتوحشونى وخلاص هبقى واحد منكم من النهاردة يا أعظم جمهور في الدنيا".