خالد الغندور يوجه رسالة نارية لجماهير الأهلي لهذا السبب
وجه الإعلامي خالد الغندور نجم الزمالك السابق رسالة نارية إلى جماهير النادي الأهلي، وذلك بعد فوز القلعة الحمراء على الاتحاد السكندري وتتويجه بلقب بطولة دوري السوبر لكرة السلة للموسم الجاري.
ونشر الغندور عبر حسابه الرسمي على موقع "فيس بوك" قائلا: "الانسان بيبقي سعيد لما يقول كلام و يطلع صح وقت فوز الزمالك بدوري و كأس الطائرة واليد دوري وسوبر و بطولة تصفيات افريقيا في السلة بعض الناس كانت بتتريق علي جمهور الزمالك اللي بيحتفل بفوز فريقه في هذه الالعاب، و لما هو كسب فرح فرحة رهيبة والاعلام مهتم جدا وقناتهم كمان وفرحة علي التواصل الاجتماعي رهيبة من كل الجماهير".
وأضاف: "دلوقتي عرفت انت كنت بتتريق ليه و شايف الالعاب دي مالهاش لازمة لمجرد ان الزمالك كسبها و كسبك فيها و ده كان مزعلك و الاغرب كمان ان الزمالك كل ما يكسب بطولة يطلع الاتحاد بتاع اللعبة يغير نظامها بعد سنة فوز الزمالك علي طول مثل السلة الموسم الماضي والطايرة هذا الموسم سبحان الله صدفة كل مرة".
وأكمل: "علي العموم الرياضة مكسب و خسارة و في النهاية اتعلموا تقولوا مبروك للفائز و هارد لك للخاسر هي دي القيم الحقيقية ومثلا انا زملكاوي وابارك لجمهور الاهلي اللي هما صحابي والحقيقة الاخلاق والروح الرياضية تظهر وقت الخسارة مش وقت الفوز".
وتوج «رجال سلة الأهلي» بلقب دوري السوبر للمحترفين، بعد الفوز على فريق الاتحاد السكندري في المباراة الأخيرة من الدور النهائي الذي أقيم بنظام «best of 5».
