منى عبد الغني تهنئ جمهورها بليلة النصف من شعبان من داخل المستشفى

نشرت الإعلامية مني عبد الغني مقطع فيديو لها من على فراش المرض، لتطمئت الجمهور عن حالتها الصحية، وتهنئهم بليلة النصف من شعبان.

وقالت منى عبد الغني خلال الفيديو: مساء الخير على حضرتكوا كل سنة وأنتم طيبين الحقيقة أنا حبيت أعمل الفيديو عشان مفوتش مناسبة نص شعبان أو ليلة نص من شعبان وأنا بقولكوا كل سنة وأنتم طيبين وكمان عشان اطمن كل الناس اللي سألوا عليا واللي بيحبوني واللي مسألوش كمان حتى بعذرهم لو مشغولين بقولكوا كل سنة وأنتم طيبين بحبكوا اوي.

وواصلت قائلًة : وبطمنكوا حادثة جاءت في العربية والحمدلله كسرين في الضلوع يعني يعدوا اوام ويتماثلوا للشفاء وشوية كدمات لكن أنا الحمدلله أن لسا ليا لسان اذكر الله بيه واحمدوا بيه وأعيد عليكوا واطمنكوا أن إن شاء الله كلها أيام بفضل الله ثم دعاكم ربنا هيعافيني إن شاء الله قريب وارجع تاني وأشوفكوا تاني وكل سنة وأنتم طيبين.