رئيس مجلس الإدارة
طارق لطفى
رئيس التحرير
أحمد أيوب
>
ساذج وعبيط
كلمات: ياسمين حافظ
عشان بتحب الحق
تدق عليك المشاكل دق
تتكركب فوق رأسك
تحاول تمشيها بالزق
تفضل برضو مصمم
بالحق تعترف وتتكلم
يشوفوك ساذج وعبيط
عشان طيب و جواك
نضيف
عندك مبدأ
بالخير دايما تبدأ
بتخاف تغضب ربك
عمرك ما تشيل ف قلبك
لا بتظلم عدو ولا صديق
ولأي غلط ما بيطيق
والأصل ف طبعك غلاب
عمر ما طلعلك ناب
ولا كنت ندل وقلاب
أو اتعودت تكون كداب
عايش دوغري
ولا عمرك كنت لعبي
متمسك بضميرك
يشوفوك ساذج وعبيط
عشان ف الحق شديد
مالكش ف اللوع والتخطيط
ولا ليك ف المكر والكيد
عايش بنقاء المواليد
ف دنيا مليانة شخابيط
مفيهاش ثوابت
اللي يكسب فيها الحويط
اللي عامل فيها عبيط
عشان تعتزل السذاجة
لازم تبطل غيامة
اللي ضلتك ياما
تعيش مصحصح ومركز
مش أي حد ف قلبك تعزز
مش لازم تعيش فيها حويط
بس لازم بعقلك تفكر
وبفكرك تخطط
لكل علاقاتك تظبط
تختار سكك سلامة
كفاياك سكك ندامة
م غير عتاب وملامة
م غير مشاكل وتخبيط
ولايشوفوك الناس ساذج وعبيط
اترك تعليق