رئيس مجلس الإدارة
طارق لطفى
رئيس التحرير
أحمد أيوب
>
- وجدوا سيارته في القمامة.. أسرار عشق عبد السلام النابلسي للسيارات
- مدبولي يهنئ الرئيس السيسي بالمولد النبوي.. ويدعو لمصر بالأمن والخير والسلام
- بمناسبة المولد النبوي.. رئيس الوزراء يهنئ الإمام الأكبر شيخ الأزهر
- حصرالمولد النبوي في معارك الاحتفال قشور والجوهر أين نحن من رحمته؟
- وزير الخارجية يبحث مع نائب رئيس فلسطين تطورات الأوضاع في الأراضي الفلسطينية
انت ايه !!!!
كلمات: ياسمين حافظ
انت ايه !!
مالك بتعمل كده ليه !!
ظالم دايما نفسك
وبتظلم غيرك ليه !!
تعالي قولي من فضلك
انت فيك ايه !!
عايش كده ليه !!
انت مين
عايش مع اللي عايشين
ولا دافن حياتك
عايش زي الميتين
انت اللي سيبت نفسك
سرقتك السنين
ضيعت حلمك
مكنتش معاه أمين
ملاك انت ولا شيطان
ف أي شيء شبطان
رميت نفسك ف سكة
التايهين
لا عارف توصل شمال
ولا عارف توصل يمين
فكرك دايما تعبان
مشغول البال
عايش مسكين
احتار الناس ف أمرك
لا فهموا مر صبرك
ولا شافوا إنك أمين
ولا حسوا قلة حيلتك
واعتبروك م المظلومين
عقدت فك لغزك
ولا حد يعرف سرك
سوى رب العالمين
مشغول بعلمك
و ف اتباع الجاهلين
وتقول ع نفسك طيب
وتكون من القاسي قريب
وتبيع الطيبين
تعمل حساب للصعب
وتستهون دايما بالسهلين
صاحب وش واحد
بس الحقيقة بوشين
تقول أنا مش منافق
لكن انت م المنافقين
تخاف تنطق تموت
أو تعيش وحدك سجين
بتعمل حساب للموت
أكتر من العايشين
بتحاول تعيش مبسوط
لكنك دايما حزين
جواك طموح وأحلام
بتحارب عشانهم سنين
ولو وصلت وكله تمام
بتكبر الهموم والآلام
بتفضل عايش مسكين
لا عمرك هتعرف الراحة
إلا مع الراضيين
ولو عرفت ترضى
هتنول حظ عظيم
هتكون من المجبورين
وعشان انت الإنسان
اللي هيفضل عايش حيران
مهما عديت عليه مواقف
وسنين
هيفضل يتعلم ويتوه
مع التايهين
ويا بخته اللي يختار سكة
الفاهمين
وبيحاولوا يكونوا عارفين
وم حواليهم متعلمين
وف الحياة عايشين
صابرين مستحملين
لا يحبوا يشتكوا
ولا من حالهم زهقانين
اترك تعليق