مصطفى شوبير يكشف كواليس ما دار في غرفة ملابس الأهلي خلال لقاء القمة: «حسيت إننا خسرانين»

كشف مصطفى شوبير حارس مرمى النادي الأهلي عن كواليس غرفة اللبس بين شوطي مباراة الأهلي والزمالك التي انتهت بفوز المارد الأحمر بخمسة أهداف مقابل ثلاثة.

وقال شوبير في تصريحات لبرنامج "الماتش" الذي يقدمه الإعلامي هاني حتحوت عبر شاشة" صدى البلد": "نتيجة المباراة توقفت عند 5 أهداف لعدة أسباب".

وتابع "عدم زيادة الأهداف قلة تركيز، وإننا حسينا أن المباراة بقت أسهل بعد الهدف الثالث وده الي كان الكلام عليه في أوضة اللبس".

وأضاف شوبير "في أوضة اللبس الي حصل خلاني أحس إننا خسرانين 3 – 0 مش كسبانين الزمالك، من الطريقة والزعيق والأسلوب الي حصل حسيت إننا خسرانين".

وواصل "كان لازم نعمل ده علشان في ماتش السوبر المحلي في برج العرب في وجود فايلر كسبنا 3 في الشوط الأول والزمالك رجع في المباراة بعد إصابة لعيبة في المباراة وكان وارد الزمالك يتعادل".

واختتم شوبير تصريحاته "محمد الشناوي كان بيتكلم بجدية قوي أن المباراة لسه مخلصتش ولسه في 45 دقيقة تانية وأن زي ما الأهلي جاب 3 في شوط الزمالك يقدر يجيب 3 في شوط، افتكروا ماتش السوبر إيه اللي حصل، وده نفس اللي أكد عليه موسيماني أنه عاوز يزود عدد الأهداف".