مصر
  • 29℃ القاهرة, مصر

رئيس مجلس الإدارة

إيـاد أبــو الحجــاج

رئيس التحرير

عبد النبي الشحـــات

موال - " ابويا "

 

بقلم - جمال اليمنى

 

ابويا واحد مليش تاني

وصورته مش مفرقاني

كان ليا صاحب

وياما علي الصاحب انا وصاني 

 لايعرف الغلط ولا في الحرام سقط

وعاش في دنيته  حقاني

 



 

 

يحب الناس

ويوده كتير من ناس

وياما علمنا وفهمنا الكلمه ديه ماس

وساعات تبقى زي رصاص

إن طلعت منملكهاش

ومترجعشي لخزنتها من تاني

ابويا واحد مليش تاني

وصورته مش مفرقاني

 

********

 

همه يسعدنا

ونعيش مرتاحين البال

ودايما بيرشدنا

طريق الخسه منعرفهاش والاندال

ياخد بايدنا

احنا

بذره حتجيب وراها أجيال 

ياما سمعنا

العبره مش في خلفتنا

و الخلفه مش في كتر عيال

الخلفه في ناس تعيش

على الصح في دنيتها

ومتخدناش في سكتها

ربنا بس اللي باقي ولا فاني 

ابويا واحد مليش تاني

وصورته دايما مش مفرقاني

********

 

تنام نجوم الليل 

 وهوه مينمشي

 مايهابشي في يوم الويل

وغير لله ميركعشي

شغاره يموت

في سكوت

بس بقلب انساني

خلينا دايما مع ربنا

على كده ابويا رباني

ابويا واحد مليش تاني

وصورته دايما مش مفرقاني





يمكنك مشاركة الخبر علي صفحات التواصل

اترك تعليق