آسر ونيللى وزينب ودرويش وعلا.. يجتمعون للوقوف بجانب شريف دسوقي فى محنته

حملة دعم من عصابة بـ

آسر ونيللى وزينب ودرويش وعلا.. يجتمعون للوقوف بجانب شريف دسوقي فى محنته

حملة دعم انطلقت من عدد كبير من الفنانين للفنان شريف الدسوقى الشهير بسبعاوى حيث تجمعت عصابة المسلسل الأخير الناجح للفنان شريف الدسوقى مجسدا شخصية سبعاوى عضو عصابة ب ١٠٠ وش، وتبادل الفنانين صورهم مع شريف خلال المسلسل،

ونشر الفنان آسر ياسين على صفحته رسالة لشريف الدسوقى قال فيها "ربنا معاك ياسبعبع"، و أعلنت الفنانة زينب غريب مساندتها للفنان “شريف دسوقي” بعد أزمة بتر قدمه، حيث نشرت صورة لها برفقته من مسلسل “بميت وش”، عبر حسابها الرسمي على موقع تبادل الصور والفيديوهات إنستجرام ، و علقت عليها قائلة :” انا مش عارفة أقول إيه ولا إيه في حق الأستاذ شريف الدسوقي، دايمًا كان معانا محترم وخلوق لأبعد حد في مسلسل بميت وش وعلي المستوي الشخصي كان بيتعامل بكل عطف معايا ومع الكل، ويمكن انا اللي مقصرة في حقه”.

و تابعت قائلة :”ومش قادرة أستوعب مدي ضغط وقسوة مهنة التمثيل اللي أكيد بتأثر علينا كلنا بطرق مختلفة نفسيًا أو صحيًا أو ماديًا … بس الموقف اللي بيمر بيه الأستاذ شريف بيوجع القلب وكل آمالي إنه يكمل ولا حاجة تأثر فيه مهما حصل بتمنى ياخد وقته في الشفا ويتخطي محنته ويقوم بالسلامة،

واختتمت كلامها قائلة :”وانا وكل الناس اللي بتحبه قلوبنا ودعمنا معاه، وعشمي في ربنا كبير انه يلهمه الإرادة والعزيمة ويرجع يكمل مشواره ونجاحه ويضيف للسينما والدراما بموهبته المميزة “.

أضاف الفنان “مصطفى درويش” عبر حسابه الرسمي على موقع التواصل الإجتماعي فيسبوك معلنا اعتراضه عن ما حدث للفنان شريف دسوقي ، حيث كتب : “لا حول ولا قوة إلا بالله اللي حصل لشريف دسوقي ده حرام حسبي الله ونعم الوكيل في اللي كان السبب”.

و تابع درويش قائلاً : “لو كان حد وقف من النقابه إتحرك قبل ما يتعمل فيه الكارثة دي كان أتلحق بس للأسف النقابة قالت لبدرية طلبة لما استنجدت بيهم، أصله مش عضو عامل فا مش هينفع النقابة نفسها تساعد لأن ده قانون بس هنبعت مساعدة شخصية، طبعًا كتر خيركم وده قانون وعلي راسنا بس طاب كنتم روحو هاتوه وقولو لينا ما كل المنتجين والممثلين معاهم فلوس يا جدعان وكله هنساعده ومحدش هيتأخر حتي كنا شوفنا حل قبل ما تحصل فيه الكارثة دي ويقطعو رجله ويترمي في مستشفي أقل ما يقال عنها تحت السلم
بجد اللي حصل ده حرام”

وأضاف :” حقك عليا يا شريف سامحني والله ما كنت أعرف انك في الحاله دي حقك عليا والله وقدام الجميع اهو والله ما هسيبك لحد ما أموت أنت مسئول مني مسئولية كاملة حقك عليا وحقك علينا كلنا”.

واختتم حديثه قائلاً : الأستاذ جمال العدل اتكفل بمصاريف المستشفي والعلاج، و أفراد و العصابة كلها متكفلة بكل حاجة، والأستاذة كاملة جابتله طرف صناعي من أحسن شركة للأطراف الصناعية، شكرا لبدرية طلبة انتي بميت راجل انتي وناس إسكندرية تعديل دكتور أشرف ذكى تواصل معايا وفهمني الموقف وانا متفق معاه جدًا والنقابة متكفلة بمصاريف المستشفي”.

ونشرت الفنانة “علا رشدي” عبر حسابها الرسمي على موقع تبادل الصور والفيديوهات إنستجرام ، صورة لها برفقة الفنان “شريف دسوقي” وعلقت عليها قائلة :”حبيبي سبعبع… شريف دسوقي الفنان الجميل الطيب الموهوب… ألف سلامة عليك… يا رب هون عليه و صبره و اشفيه يا رب و انزل في قلبه السكينه وقبول قضاء الله و قدره يارب… احنا كلنا معاك! و هترجع اقوي و احسن من الاول ان شاء الله!! بالرجاء الدعاء لسبعبع!”.

وعبر رسالة مؤثرة من الفنان والكاتب “عمرو محمود ياسين” ، أعلن عن دعمه للفنان “شريف دسوقي” بعد أزمة بتر قدمه، حيث نشر صورة له عبر حسابه الرسمي على موقع التواصل الإجتماعي فيسبوك ، و علق عليها قائلاً : ” الفنان شريف دسوقي، ألف سلامة عليك،، أكيد ده إختبار كبير من ربنا. و قدر الله و ما شاء فعل.. خلي بالك ع صحتك و تماسك” .

وتابع قائلاً : “وبإذن الله هنشتغل مع بعض قريب لاني من معجبينك ..و أول عمل يكون فيه دور مناسب هسعد بوجودك فيه.. و لتستمر الحياة .. خليك قوي”.