رئيس مجلس الإدارة
طارق لطفى
رئيس التحرير
أحمد سليمان
مبادرة. ادعم حلمك
بقلم: شيماء أبوزيد
خايف من بكرة ليه؟!
هو بكرة بتاعك ولا في علم الغيب!
واللي في علم الغيب مع اللي خلقك في أحسن صورة؛ وماكان مع الخالق فهو عظيم فقط. تعلم حسن الظن بالله.
تعلم أن تكون مع الله قلباً وقالباً.
تفائل.
وأحسن الظن بالله
اختلط بالناجحين والداعمين.
احلم.
أسعى.
توكل ولا تتواكل.
رتب أولوياتك.
احلم لذاتك، لأمنياتك، لقلبك، لشغفك.
إصنع أمل، ازرع حب، عيش لله، عيش بالله.
في طريقك لتحقيق الحلم هتقع مش عيب أبداً هتقوم تاني وهتكمل، عافر على حلمك واوصل.
اتمسك بحلمك، بشغفك، اشتغل عليه خليه أقوى إجري عليه بأقصى سرعة مهما قابلت! مهما وقعت! متوقفش.
بإذن الله هتوصل لو حلمك خير هيتحقق.
لأن الله سبحانه وتعالى سيستجيب لأنه وعدك، يؤخرها عليك لكي يتأكد من شغفك وحبك لحلمك؛ فاجعل يقينك بالله يسبق دعائك.
احلم بما شئت؛ فالله لا يخذل من آمن به.
وختامََا
ولسوف يُعطيك ربُك فترضى رغماً عنك
فقط
تفاءلوا وتوكلوا
لأنه من فضل الله علينا كمان
الاية دي بقف قدامها مذهولة من كمية الرحمة والطيبة اللي فيها قال تعالى " إِنَّهُ عَلَى رَجْعِهِ لَقَادِرٌ " ربنا قادر يرجع الانسان للحي بعد الموت .. يبقى هيقدر يرجع فرحتك من جديد ويرجعك شخصية مَرحة زي ما كنت ويرجع حياتك زي ما كانت ويعيد ترتيبها من الكركبة اللي حصلتلك ويفرحك ويحقق حلمك ويقف جمبك .. استقوى بالله جدًا.. ربنا كبير هتروق وتِحلى والله العظيم .. ربنا قادر .. قادر علي كُل شيء.
ربنا قادر يحقق حلمك.
ربنا قادر يسخر الكون كله لأجلك أنت.
خلقك وكرمك وبيحبك مهما بعدت بيحبك ربك فقط...
فقط ماعليكم إلا أن
تتفائلوا أينما كنتم.
وانشروا الفرح والأمل مهما كانت الأزمات...
فكل متوقع آت...
ادعموا من تحبون بكلمات من دهب.
حبوا أنفسكم وقدروها.....
اترك تعليق