رئيس مجلس الإدارة
طارق لطفى
رئيس التحرير
أحمد سليمان
الأوقاف
"صحح مفاهيمك"اختبار الصداقة المزيف.."التريند»مش أهم من سلامتك
فى إطارحملتها لتوعية الفكر المُجتمعي حول المفاهيم الخاطئة "صحح مفاهيمك"أكدت وزارة الأوقاف أن ترند"إختبار قوة الصداقة"المُنتشر بين بعض الشباب والذى يعد تحدى سكب الماء المغلي على أيدى الصديقين المُتشابكة وأعتبار من ينسحب أولاً يكون صديقًا غير وفيّ هو تطبيع مع الخطأ ويعد أسلوباً مرفوضاانسانياً وشرعا
ولفتت أن هذه الممارسة تمثل تشويهًا لمفهوم الصداقة، وتُعرّض المشاركين لمخاطر جسدية ونفسية جسيمة، مما يستدعي التوعية بخطورتها وبيان حكمها الشرعي.
وبينت تحت عنوان «التريند»مش أهم من سلامتك بصيغة حوارية يتداولها الشباب أن الإخلاص فى الصداقة والممازحة بين الصديقين لا توجب أذى النفس وكان ذلك كالأتى
"يعني علشان تبقى صاحب جدع… تحرق إيدك؟
أو علشان تضحّك الناس، تأذي نفسك؟ ده مش هزار،
إنت كده بتأذي نفسك علشان تثبت إنك مخلص لصديقك، والصديق الحقيقي عمره ما يطلب منك تأذي نفسك علشانه.
التريندات اللي زي دي بتبان ضحك ومشاهدات ولايكات، لكن حقيقتها وجع، وإصابات، وندم، وممكن أثرها يفضل معاك العمر كله، علشان ثواني شهرة، قصادها ألم حقيقي، وجسم اتجرح، وعقل اتعوّد يستهين بالخطر.
لما الأذى يتحوّل لهزار، والخطر يبقى تريند، نبقى كده بنطبّع مع الغلط، وبنضيّع قيمة حفظ النفس في مجتمعنا.
قال الله تعالى:
﴿وَلَا تُلْقُوا بِأَيْدِيكُمْ إِلَى التَّهْلُكَةِ﴾
وسيدنا النبي ﷺ قال:
«لا ضرر ولا ضرار».
الدين مش ضد الضحك، بس ضد الأذى، وضد إنك تفرّط في نعمة ربنا إدّهالك. خلّيك واعي، واختار سلامتك، واحفظ جسمك،
هتعيش مطمّن، وتكسب احترام نفسك واللي حواليك.
اللهم اهدنا لأحسن الأخلاق لا يهدي لأحسنها إلا أنت،
واصرف عنا سيئها لا يصرف عنا سيئها إلا أنت."
اترك تعليق