رئيس مجلس الإدارة
طارق لطفى
رئيس التحرير
أحمد سليمان
مسامحه وحصل خير.. رامى صبرى ينهى أزمته مع ويجز
كشف النجم رامى صبرى عن انتهاء أزمته مع مطرب الراب ويجز، وجاء ذلك فى رده على منشور الشاعر تامر حسين الذى دعم فيه صبرى مشيداً بموهبته ومكانته وسط نجوم الغناء، ليؤكد رامى صبرى على انتهاء الأزمة وأنه سامح ويجز.
وكتب تامر حسين عبر حسابه على فيس بوك موجها حديثه لرامى صبرى، "شهادتي فيك مجروحة أنت صوت عبقري مش محتاج رأيي وخطواتك ما شاء الله لطريق النجاح بتكبر وتزيد وكل سنة عندك هيت ناجح ومكسر الدنيا ولسة شايف ترتيب أنغامي أنت رقم ٢ في الاستماع بعد الهضبة ألبوم مكانك وفي الصدارة".
وتابع، "تصريح مش موفق مِن ويجز رغم إن شفت له أكتر من لقاء كان راجل مُثقف ومُهذب جايز يكون واخد على خاطره أو فِهم كلامك غلط، إنما الأرقام اللى قالها مش أرقامك ولا الطريقة مُناسبة وأنت الكبير يا روما.. ويجز لو يعرف إنت أول واحد باعتلى أغنية البخت وبتقولى الراجل ده عنده حاجه مختلفة مكنش هيزعل كده دي شهادة حق والله".
ورد رامى صبرى على تامر حسين وكتب قائلًا: "حبيبي تامر حسين الشاعر الكبير العظيم شكرا علي كلامك الجميل اللي زيك.. ويجز أخويا الصغير وأنا مسامحه وحصل خير".
اترك تعليق