رئيس مجلس الإدارة
طارق لطفى
رئيس التحرير
أحمد سليمان
حققت نجاحًا فى صيد العقارب ورحيل برمضان
مي القاضي: غادة عبد الرازق فنانة متكاملة وممثلة قوية ورحيل تحدي
كشفت الفنانة مي القاضي تفاصيل أدوارها رمضان الماضي في مسلسلي صيد العقارب ورحيل.
وتحدثت مي القاضي عن تفاصيل أدوارها في مسلسل "صيد العقارب" ومسلسل "رحيل" خلال حلولها ضيفة على برنامج الستات والذي يقدمه كلًا من الإعلامية مفيدة شيحة وسهير جودة قائلة: في ستات كتير بتخون بس في رحيل أنا مكنتش خاينة، في رحيل هي اتظلمت جامد فقررت تاخد حقها وإنها مش هتبقى ضعيفة وهتاخد حقها غصب عن أي حد".
وعن توقيت اختيارها للأدوار، قالت: صيد العقارب كان الأول وبعد رحيل"، موضحة: "الدورين كانوا مختلفين جدًا عن بعض، بحب جدًا صيد العقارب وليه حته في قلبي لوحده وبحب كواليسه".
دوري فى رحيل تحدي
وأضافت: "رحيل بحب الدور لإنه كان دور في دراما تقيلة، كانت بنت شعبية وده بعيد عني شوية فبيبقى تحدي أكتر وده بيخرج من الممثل أحلى".
وكشفت مي القاضي عن سبب حبها لكواليس مسلسل صيد العقارب، قائلة: "الأجواء كانت حلوة وهي حاجة مالهاش أسباب كانت أحلى كواليس صيد العقارب"، مضيفة: "غادة عبد الرازق ممثلة قوية جدًا، وبيبقى فيه ممثلات أقوياء بس بتبقى اهتماماتهم باللبس وبالفاشون مش قد غادة عبد الرازق فأنا بحب التركيبة بتاعتها هي فيها كل حاجة".
وعن طبيعة شخصيتها، أوضحت: "لحد السنة اللي فاتت كنت خجولة الا قدام الكاميرا ده بالنسبالي المساحة اللي باخد فيها راحتي وأنا بعمل شخصية حد تاني، وحاسة إني اتغيرت".
بدايتي سهلة ومشوار الفن ليس سهلًا
وعن سهولة العمل في الوسط الفني، أوضحت: "لا مش سهل شغلنا مش سهل خالص كل خطوة اللي بعدها أصعب دايمًا، بدايتي كانت سهلة لكن المشوار مكنش سهل، ولازم طول الوقت أشتغل على نفسي".
اترك تعليق