رئيس مجلس الإدارة
طارق لطفى
رئيس التحرير
أحمد سليمان
- أشرف صبحي: منشآت رياضية جديدة للجمهورية الجديدة
- وزارة الرياضة تُطلق معسكر شباب بريكس بلس بمعسكر القرش
- نشرة أسعار الحديد والأسمنت بالأسواق.. الثلاثاء 16-9-2025
- القمة العربية الإسلامية تدعو إلى مراجعة العلاقات مع إسرائيل
- الرئيس السيسي: العدوان الإسرائيلي على قطر هدفه عرقلة التوصل إلى اتفاق لوقف إطلاق النار
مها أحمد: "مجدي كامل سيدي جزمته فوق دماغي وهو تاج راسي"
اعربت الفنانة مها أحمد عن حبها الشديد لزوجها الفنان مجدي كامل قائلة: "ممكن اكون حسدت نفسي عشان متجوزة راجل زي الفل، دكتور وبقالنا 30 سنة متجوزين، مسبتش البيت مرة، بيعشقني وهو سيدى وتاج راسي وجزمته على دماغي، وانا مبعرفش اتخانق".
وقالت مها أحمد خلال لقائها ببرنامج "أسرار" مع الإعلامية أميرة بدر المذاع على قناة النهار:"وساعات اكون متعصبة جدًا عليه لاني عصبية شوية ولما يخرج من الاوضة أقوله مجدي اعملي معاك شاي والموضوع يخلص، وهو استغرب ده في اول الجواز".
واضافت مها احمد :"مجدي كامل بيحبني عشان حلوة وامورة ومتجددة طول الوقت والكلام ده المفروض تعمله كل الستات، وانا بتشقلب ف البيت، وبيحبني كمان عشان شبه مامته، وست مكافحة وبيدلعني بيقولي يا وزة وحياتنا كلها متخرجش بره ولو هعيش معاه ب 1000 جنيه او 10 جنيه هعيش موافقة، وجبت أجهزة بيتي كلها بالقسط ساعة الجواز، والست متسامحش في الخيانة وأنا عمري ما اتخانت وانا ست كاملة متكاملة وقمر وبحب ادلع واتدلع، ومجدي كامل طول عمرنا اول مايرجع البيت بيناديني يا وزة وياخدني وانا قصيرة كده في حضنه ويحط دماغي على صدره".
اترك تعليق