رئيس مجلس الإدارة
طارق لطفى
رئيس التحرير
أحمد سليمان
تامر حسنى يوجه رسالة دعم لـ رامى نادر
حرص الفنان تامر حسني، على الرد على الهجوم الذى شن على الفنان رامي نادر، بعدما وصفه أحد متابعيه بـ كومبارس، مما وجه الدعم المعنوي له من خلال كلماته.
وكتب تامر حسني عبر حسابه الشخصى على إنستجرام: "لفت نظري البوست ده، أستاذ رامي نادر أنت فنان محترم وردك حقيقي راقي، رغم تعرضك لكلام محبط أنت مردتش الإساءة بالإساءة، وده له اعتبار كبير أوي فوق ما تتصور عند ربنا قبل البشر، وممكن تكون جواك زعلت بس أكيد التعليق اللي زعلك ده ممكن يكون سبب في حاجة تفرحك قريب".
واضاف تامر حسني: وهتشوف كلامي وأنا شخصيًا مكنتش عارف إنك بتمرن تمثيل، وعرفت من البوست ده، وهبعتلك شباب يتمرنوا عندك وأتمنى أقابلك وأتعرف عليك ونفتح باب شغل مع بعض، وأتمنى من الشاب اللي كتبلك كده إنه يراجع نفسه وميحاولش يحبط حد تاني لإن الكلمة المحبطة فعلًا ممكن تموّت بجد ويكون تأثيرها أكبر من السلاح.
وتابع تامر حسني: التعليق السلبي اللي أي حد بيكتبه بمنتهى البساطة وهو في بيته بيضحك، ممكن يكون سبب في قتل حد نفسيًا أو يكون سبب في تدمير أسرة أو سبب في جرح روح كانت فرحانة ومتفائلة وبسببك كل ده اتهد، ربنا يوفقك يا فنان يا محترم.
واختتم تامر حسني حديثه: يا شباب خلونا رحيمين على بعض عشان ربنا يرحمنا، عشان كل ما بقيت رحيم في كلامك هتلاقي ربنا بيسخرلك في عز زعلك وإحباطك ناس تفرح قلبك بالكلام الرحيم اللي يقويك على الدنيا.
اترك تعليق