رئيس مجلس الإدارة
طارق لطفى
رئيس التحرير
أحمد سليمان
إيهاب توفيق يكشف حقيقة إحيائه حفل غنائي يوم وفاة علاء عبد الخالق
رد النجم إيهاب توفيق على شائعة احياءه حفلا غنائيا يوم وفاة الفنان علاء عبد الخالق الذي رحل عن عالمنا في الساعات الأولى من صباح يوم الثلاثاء عن عمر ناهز الـ 59 عاما.
نشر إيهاب مقطع فيديو عبر حسابه على إنستجرام وعلق: فيديو لتوضيح أكاذيب بعض المواقع الصحفية بخصوص احياء حفل فى يوم وفاة اخي و صديقى علاء عبد الخالق رحمة الله عليه .. بوست الحفلة موضح فيه تاريخ الحفلة وهو يوم ٣٠ -٦-٢٠٢٣
أضاف ايهاب توفيق: بعمل الفيديو علشان أنفي الخبر اللي نزل أمس .. بعد وفاة أخويا وصديقي علاء عبد الخالق .. أنه بعد ما قمنا بمراسم الدفن والجنازة إني توجهت لعمل حفلة في الساحل الشمالي بنفس الليلة .. الكلام ده مش مظبوط أبدا والصور اللي بعض المواقع الكاذبة اللي نزلتها من حفلة يوم 30 /6 وأرجو من المواقع دي إنهم يشيلوا الخبر ده تماما وتنفيه وإلا هقوم ضدهم بكل الإجراءت القانونية اللي تردلي حقي في الخبر الكاذب اللي شاركوا في انتشاره عني.
اترك تعليق