رئيس مجلس الإدارة
طارق لطفى
رئيس التحرير
أحمد سليمان
أحمد سالم: لما كلمني رامي جمال وعمرو حسني حسيت إني بحلم ومش مصدق نفسي
تحدث المطرب النقاش أحمد سالم، عن كواليس الفيديو الذي انتشر له خلال الفترة الأخيرة عبر مواقع التواصل الاجتماعي، وهو يغني أغنية يا حبيبي لـ الراحلة وردة، أثناء ممارسة عمله، مؤكدًا إنه لم يكن متوقعا ردت فعل الجمهور ونجوم الوسط الفني.
وقال أحمد سالم، في حوراه مع الفنانة إسعاد يونس، في برنامجها صاحبة السعادة، إنه لم يقرر حتى الآن ما إذا كان سيُكمل عمله كـ نقاش أم سيتجه للمجال الفني فقط: أنا لسة مش عارف هسيب المهنة ولا لأ، لأن دي أبا عن جد، ووالدي نقاش، الفيديو ده كان في دبي، أنا سافرت سنتين الإمارات شغل، وصحابي في السكن قالولي أنت لازم تظهر، وإحنا ممكن نساعدك، بدأوا يصوروا معايا فيديوهات، أنا حطيت الفيديو ده على قناة صغيرة جدًا على اليوتيوب، وبدأ التفاعل ووصل لـ 10 آلآف، وأنا كنت طاير من الفرحة إن فيه حد بيسمعني، الفيديو ده من سنة ونص.
وتابع: مرة واحدة لقيت ناس كتير بتكلمني من السعودية ومصر، وأنا كنت قاعد باصطاد، ودكتور كلمني وقالي في شاعر كبير اسمه عمرو حسن بيحاول يوصلك، أنا ارتبكت ولقيت شخص تاني بيكلمني، قولت لأ كده في حاجة، فتحت السوشيال ميديا لقيت حاجة عمري ما شوفتها جسمي قشعر وإيدي بترتعش، وصلت للأستاذ عمرو حسن وكلمته، وبعدين لقيت أستاذ رامي جمال، أنا مكنتش مصدق نفسي وحاسس إني بحلم.
اترك تعليق