"عمتاً انا علي حافة الانتحار" و"محدش حاسس انا فيا اية ، غيري" و"حفل تخرجي بعد بكرة هيكون حفل تخرجي من الدنيا" ،رسائل الساعات الأخيرة لفتاه  تدعى "رنا. ج"، 22 سنه من مدينة بلقاس التابعه لمحافظة الدقهلية والتى وصلت لمستشفى بلقاس مصابه بحالة إعياء وتوفيت عقب وصولها ،حيث أنهت ، حياتها بتناول قرص كيماوي يستخدم لحفظ الغلال "حبة الغلة السامة" وذلك قبل يومين من احتفالها بتخرجها وذلك بعد مرورها بأزمة نفسية وكتابتها رسالة تطلب عدم مشاركة أسرتها في حضور جنازتها.

وأكدت أسرتها أنها كانت تمر بحالة نفسية سيئة وتعاني من اكتئاب وعزلة.

تلقى اللواء مروان حبيب مدير أمن الدقهلية، إخطاراً من اللواء محمد عبد الهادي، مدير المباحث الجنائية، يفيد بورود بلاغًا لمركز شرطة بلقاس من مستشفى بلقاس المركزي بوصول فتاة تدعي " رنا . ج " 22 عاماً ، مصابة بحالة إعياء شديدة نتيجة تناولها قرص كيماوي "حبة الغلة السامة" .

انتقل ضباط وحدة مباحث مركز شرطة بلقاس وبالفحص تبين مصرع الفتاة وذلك لمرورها بحالة نفسية سيئة وتعاني من إكتئاب بسب معاملة أهلها ، وتحرر عن ذلك المحضر للازم و جاري العرض علي النيابة العامة.

وتركت الفتاة رسالة مؤثرة قبل إنتحارها وكتبت علي صفحتها علي مواقع التواصل الاجتماعي فيس بوك : أنا حزينة حزينة أوي إني وصلت للمرحلة  دي ، وأنا بكتب الرسالة دي مش شايفة من كتر الدموع اللي بتنزل من قلبي مش عيني ، أنا تعبت تعبت أوي و إستحملت كتير أوي بس أنا إنسانه عندي طاقة مش قادرة استحمل كل ده لوحدي ، أنا بس كنت محتاجة حد يطبطب عليه وياخدني ف حضنه أنا عمري ما حسيت ب حنيه أم ولا أب ولا أخوات ولا أصحاب، أنا عايشه لوحدي حرفياً رغم وجود الناس دي حوليا انا لوحدي والوحده وحشه اوي ومُتعبه أوي أنا اتهلكت واتأذيت واتخذلت من اقرب ناس ليا و ف الاخر يتقالي معلش ، محدش يكلف نفسه يفكر فيا ولا يفكر ف إحساسي، أعيش ليه ، أعيش لمين ، انا ف الوقت ده كنت عاوزه بس اللي يحسسني اني استاهل أتحب و ان حد يفضل معايا عشاني عشان بيحبني .

وأضافت في رسالتها : أنا  حاربت الناس كلها عشان ابقي كويسة وكل محاولاتي فشلت ، اتاكدو اني موصلتش لهنا بسهولة  كده لا والله انا عافرت عشان موصلش بس للاسف الحزن كان أقوي مني أتمني ربنا يسامحني و يحاسبني ع تعبي وقلة حيلتي مش ع عدم إيماني به ، حاجه أخيرًا أنا كنت لوحدي ودلوقتي لوحدي ف أتمني محدش من أهلي يحضر جنازتي لاني ماشيه زعلانه زعلانه منهم كلهم ومش مسامحه ف حق نفسي ابداً ، ادعولي بالرحمه أفتكروني بالخير وأتمني متنسيش زي ما كنت منسيه وقولو للشخص اللي ختم نهاية حياتي انه كان أملي الوحيد و للاسف خذلني ، عرفوه إني كنت بحبه عرفووه اني خلاص فارقت الدنيا دي وانا حزينه و زعلانه علي نفسي.

وأختتمت رسالتها : هيعرف بالصدفة  أني موت زيه زي ناس كتير اوي كانت فحياتي حفلة تخرجي بعد بكره هي مش حفلة تخرجي من الكلية بس ومن الحيااة كلها ، ادعولي ربنا يسامحني و محدش يقولي ماتت كفره لان الكُفر هو اني افضل عايشه مأذيه و منسيه و وحيده . 

وتعمل الدولة على تقديم الدعم للمرضى النفسيين من خلال أكثر من جهة خط ساخن لمساعدة من لديهم مشاكل نفسية أو رغبة في الانتحار  ،أبرزها الخط الساخن للأمانة العامة للصحة النفسية، بوزارة الصحة والسكان، لتلقي الاستفسارات النفسية والدعم النفسي، ومساندة الراغبين في الانتحار ، من خلال رقم 08008880700، 0220816831، طول اليوم.

كما خصص المجلس القومي للصحة النفسية خط ساخن لتلقي الاستفسارات النفسية 20818102.

وأكدت دار الافتاء المصرية، أن الانتحار كبيرة من الكبائر وجريمة في حق النفس والشرع، والمنتحر ليس بكافر، ولا ينبغي التقليل من ذنب هذا الجرم وكذلك عدم إيجاد مبررات وخلق حالة من التعاطف مع هذا الأمر، وإنما التعامل معه على أنه مرض نفسي يمكن علاجه من خلال المتخصصين.

مصرع وإصابة ٣٣ شخصا في تصادم اتوبيس بنقل بطريق الجلالة

حريق بمخزن للمواد البترولية بدمياط 

"كان نفسي حد يطبطب عليا".. تفاصيل انتحار فتاه جامعية قبل تخرجها بيومين بالدقهلية 

Previous Next