رئيس مجلس الإدارة
طارق لطفى
رئيس التحرير
أحمد سليمان
صفوة تكشف تفاصيل تعرضها للسرقة والاحتيال على يد زوجها الثالث
تحدثت الفنانة صفوة عن تفاصيل تعرضها للسرقة والاحتيال من زوجها الثالث، الذي كان يعمل معها مديرًا لأعمالها.
وقالت صفوة خلال حوارها مع الإعلامية أميرة بدر في برنامج "الترابيزة" : زوجي الثالث أخد سنين عمري كلها وشبابي وفي الآخر اكتشفت إني هبلة ومكنتش متخيلة إن فيه راجل ممكن يضحك على مراته بالشكل ده، وأنا مبقتش بثق في حد بسببه، يعني لو حد بيجيبلي هدية بدون مناسبة هشك فيه.
وأضافت صفوة: أنا اتطلقت من زوجي الثالث وأنا مش معايا لا فلوس ولا أي حاجة، وخاني مع واحدة أنا عرفاها وهي عارفة إني مراته، كنت فاكرة إنه بيحبني وبيحافظ على شغلي، عشان كان شغال مدير أعمالي وكان له نسبة من شغلي طبعًا، وكنت فاكره إنه بيحبني؛ لأنه كان مشغل إخواته بادي جارد ليا، وأخته تساعدني في شغل البيت، وفي الوقت ده بقيت بقول هو فيه حد كده في الدنيا؟ ده مسخرلي كل أهله يساعدوني، ولكن طلع للأسف عشان يراقبني من خلالهم، ووصلت بينا المشاكل إلى إني اتحبست بسببه بين 11 راجل في الحجز.
أما عن زيجتها الثانية، أوضحت صفوة أنه كان يعاني من مشاكل نفسية وجسدية وإصابته بشبه عجز، واكتشفت ذلك الأمر في الصباحية وأخبرت أهلها بذلك الأمر، وأكد على أنها تزوجته دون أن تحبه، واستشارت عقلها فقط، بعد فشل زيجتها الأولى التي كانت عن حب وأسفرت عن ابنها محمد، كما أنها تزوجت الرجل الثاني بعد انتهاء عدتها من زوجها الأول بيوم واحد فقط.
اترك تعليق