رئيس مجلس الإدارة
طارق لطفى
رئيس التحرير
أحمد سليمان
محمود حجازى يدافع عن ريهام حجاج بعداعتزال توفيق عبدالحميد!!
دافع الفنان محمودحجازى عن الفنانةريهام حجاج بعد اعلان الفنان توفيق عبدالحميد اعتزاله التمثيل نهائيا بعد تصويرمسلسل يوتيرن.
اتهم البعض الفنانةريهام حجاج انها وراء قرار توفيق عبدالحميد لكثرة المشاكل التى تحدث باعمالها.
كتب محمودحجازى بوست مطول على صفحته الشخصية بموقع الفيسبوك قائلا:
انا في حاجه ماكنتش عايز اتكلم فيها بس بجد مش قادر اشوف حد علاقتي بيه طيبه وبشتغل معاه وبشوفه بيتعب قد ايه وبيتعامل مع كل الناس بشكل محترم جدا والاقيه ديما بيتظلم من الناس من غير ما تعرف تفاصيل ديما هو اللي بيشيل المشاكل كلها سؤاء كان جزء منها او ميعرفش حاجه منها
ليه بقينا بنستسهل الظلم .
انا السنه دي بشتغل ٣ مسلسلات جواه رمضان وكانت سنه صعبه جدا وممتعه جدا وانا محظوظ اني اشتغلت مع الاستاذ توفيق عبد الحميد اللي لسه شايف قرار انه بعد الانتهاء من تصوير مسلسل يوترن سوف يعتزل الفن .. قد ايه الخبر ده زعلني جدا وبتمني انه يتراجع فيه ويفضل يمتعنا بفنه الحقيقي المبهر وان شاء الله هيحصل كده .. وكمان زعلت جدا لما شوفت الحملات والناس اللي عايزه تستغل الخبر ده لهدم وتشويه شخص هو بعيد كل البعد عن القرار ده بس لمجرد انهم عايزين يهدموا اي نجاح بشكل مليان ظلم وعدم فهم واستنتاجات ليس لها علاقه بالحقيقه .. والمشكله ان دي طريقه بتتكرر وكل مره بقول اكيد الناس هاتفهم لوحده بس الاقي الموضوع مكمل بطرق غريبه والغريب اكتر ان في ناس بتستغل الموضوع ده .. وانا مش بكتب الكلام ده و مستني اي حاجه غير اني حسيت لو انا اللي وقع عليه الظلم ده وعايز الناس تفهم بس .. انا ده تاني عمل ليا مع الاخت العزيزه ريهام حجاج ووالله والله انا كلامي هتحاسب عليه قدام ربنا يعني ولا حد في الدنيا دي كلها هيأثر عليه غير الحق .. واسف اني طولت عليكم وكل سنه وحضراتكم طيبين.
اترك تعليق