اولياء امور الثانوية العامة يطالبون شوقي بالسماح بدخول اللجان بالكتب الورقية

في غرفة عمليات الجمهورية اونلاين

اولياء امور الثانوية العامة يطالبون شوقي بالسماح بدخول اللجان بالكتب الورقية

وزير التعليم

=أولياء الأمور يشيدون بنشر الوزارة لروابط الكتب الالكترونية=

=مدرستنا توفر البديل الانسب للدروس الخصوصية=

نشر الموقع الالكتروني لوزارة التربية والتعليم رابطا الكترونيا يتيح للزائرين الاطلاع علي الكتب المدرسة لكافة الصفوف الدراسية الابتدائية والاعدادية والثانوية ..

الرابط هو

https://moe.gov.eg/elearningenterypage/#

وقام الدكتور طارق شوقي وزير التربية والتعليم بنشر رابط اخر للمنصة الالكترونية لقناة مدرستنا يتيح للطلاب واولياء الامور كل ما يحتاجونه من شرح وتطبيقات تعليمية، تجدونه في تطبيق "مدرستنا Plus".

وهو أول تطبيق إلكتروني تحت رعاية وإشراف "وزارة التربية والتعليم"، يضم منصات مختلفة، لناشرين تعليمين مختلفين.

التطبيق موجّه لجميع المراحل "الابتدائية"، "الإعدادية"، و"الثانوية"، بالإضافة لكل برامج قناة "مدرستنا": التعليمية، التربوية والترفيهية التي تحبونها..

"مدرستنا Plus".. منصّة آمنة للتعليم والترفيه .. على نظام الأندرويد:

https://bit.ly/3uW48Wk

و على نظام ال ios:

https://apple.co/3ulN4Kb

اشاد اعضاء غرفة عمليات الجمهورية اونلاين بهذه المنصات مؤكدين انها افضل اسلوب واليه لمحاربة الدروس الخصوصية وتوفير البديل الانسب لها امام الجميع ..

ورغم ترحيب الجميع بفوائد هذه المنصات الا ان طلاب الثانوية العامة واولياء امورهم مازال يسيطر عليهم هاجس السماح لهم دخول اللجان بالكتاب المدرسي الورقي او منعه وطالبوا الدكتور طارق شوقي وزير التربية والتعليم بضرورة الاعلان السريع لكل تفاصيل امتحانات الثانوية العامة التي طال انتظارهم للمؤتمر المزمع عقده قريبا كما وعدهم الوزير.

قالت عايدة عبد الحميد ولية امر طالب بالثانوية العامة ياريت نعرف موقف كتب المدرسه حتي نلحق نشتريها للصف الثالث الثانوي.

تساءلت امل النجار ولية امر طالب ثانوية عامة بالمنصورة :

هي دفعة السنة اللى فاتت دخلت الامتحان بالكتاب ورقي مطبوع ولا الكتروني ؟

واجابتها داليا طارق ولية امر طالب بالثانوية العامة بمدينة نصر انه في امتحانات العام الماضي سمح بدخول التابلت كان لتسجيل الدخول للامتحان مشيرة الي انه يمكن الاستغناء عنه وتسجيل الدخول للامتحان في اللجنة نفسها

كما سمح بدخول الكتاب الورقي ومكتوب عليه الملاحظات

وردت امل النجار لو دفعة السنة دي مش هتمتحن الكتروني علي التابلت ليه الطالب لايدخلش بالكتاب مطبوع زي السنة اللى فاتت و نتجنب التابلت لان سمعنا كتير عن حالات غش وفيه طلاب كانوا بيدعوا في الجروبات انهم هكروها ونزلوا عليها واتس وتليجرام وكانوا بيفتحوها مش عشان تصفح الكتب و لكن عشان يغشوا.

قالت أنا طبعا كل ده شوفته من خلال تعليقات طلاب بانفسهم على جروبات غش علي الفيس وغيره

قال الدكتور تامر عبد الحافظ بمديرية تعليم الشرقية

.. أرجو ألا نسبق الأحداث وننتظر المؤتمر الصحفي الأفضل بدل تكلفة طباعة الكتب دون جدوى .. ظروف العام الماضي تختلف عن العام الحالي

بكلمكم بصفتي ولي أمر على فكرة لطالبة في ثالثة ثانوي

حاجة مش تشغل بالكم نهائي لو الطالب هيدخل الامتحان بالتابلت فالكتاب موجودة عليه أصلا ولا تم السماح بالدخول بنسخة مطبوع (ولا اعتقد هذا) قدامنا وقت كبير لسه للطباعة

وقالت امل النجار احنا المفروض بنفتش الطالب قبل ما يدخل علشان لو معاه محمول او غيره يتم سحبه منه فورا يبقي لو هيدخل بتابلت يبقي لازم نكون متأكدين تماما انها مش هتكون وسيلة للغش

وقال ابراهيم الاحمدي مدير عام ادارة القرين التعليمية بالشرقية ان الدكتور طارق شوقي وزير التربية والتعليم

قالها أكثر من مرة توجد منصة خاصة بالكتب الإلكترونية ومتاحة للجميع لتحميلها مجانا دون مقابل.

اشار ان رابط المنصة وعليها الكتب هو

https://play.google.com/store/apps/details?id=madares102.alex

وهو تطبيق رائع به كل مايحتاجه الطالب وولى الامر .

واعرب عن استعداده من خلال غرفة عمليات الجمهورية لخدمة أولياء الأمور فى و تقديم الدعم الفنى والتقنى لأى شئ يحتاجونه .

وحول سؤال عايدة عبدالحميد عن امكانيةطباعة الكتب ودخول الامتحان بها قال الاحمدي ننتظر التصريح الاعلامى للوزير عن آليات الامتحان ولا نسبق الأحداث فهو لايتوانى عن بذل كل جهد من أجل أبناؤه الطلاب

ولا أخفيك سرا أن بعض الطلاب طبعوا جلده الكتاب وبداخل المتن مذكرات المعلمين.

وهنا تدخل الزميل سيد جاد المشرف علي غرفة عمليات الجمهورية اونلاين عبر الواتس قائلا:

دعوني اختلف معكم هذه المرة فمواجهة الغشاشين لايجب ان يكون بمنع المجتهدين من استخدام حقهم في الدخول بالكتاب المدرسي الورقي او الالكتروني طالما كان الامتحان اوبن بوك ..

وعادت داليا طارق الحزاوي للتعليق مؤكدة يا ريت يتم السماح بدخول كتب الوزارة القديمة او المطبوعة مثل السنة الماضية لان اسهل للطالب تصفح الكتب الورقية عن الكتب الالكترونية ومع تطبيق نظام الاوبن بوك يكون من حق الطالب تصفح الكتب امر ضروري في اجزاء الحفظ ولو علي وجود تجاوز من بعض الطلاب و طباعة مذكرات المعلمين به ده دورالمراقب في اللجنة وحرام اننا نحرم طالب مجتهد من الكتاب الورقي لوجود طلاب متجاوزه .. رجاء في حالة عدم الامتحان علي تابلت فدخول التابلت للجنة بلاش منه خالص حتي لا يحدث مثل العام الماضي ويكون وسيلة للغش المستمر فهناك طلاب يستطيعوا احداث ثغرات وكل ما تقفلوا ثغرة بيفتحوا غيرهامع تطبيق سياسة ال اوبن بوك يكون وجود الكتب مهم في اجزاء الحفظ ،ولا اظن ان الاسئلة بتيجي بالنص من الكتب والا يكون ذلك في قصور من معد السؤال

ودخول الكتاب مع الطالب يعطي له الثقة ويشعره بالاطمئنان في اجزاء الحفظ، ممكن الوزارة نفسها توفر لينا طباعة الكتب باسعار مناسبة بدل استغلال المكاتب بس ولي الامر مكبل بمصاريف كبيرة طول العام ما جاتش علي فلوس الكتب اللي هتكون مهمة لابنه ..

وقالت نهلة البلتاجي وكيل مدرسة ثانوي وولي امر طالبه بالثانوية العامة انه بالفعل من البداية النظام الجديد اعتمد علي الفهم اكثر من الحفظ المرسل وحتي نظام الاسئلة معتمد تماما علي مدي فهم الطالب مخرجات التعلم يبقي قمة الظلم لهذه الدفعة لو تم حرمانهم من الدخول بالكتب المدرسية وبقول الكتب وليست ورقة مفاهيم لا تحتوي علي شيء

وقالت عايدة عبد الحميد كلنا على ثقه فى قرارات الوزير ستكون فى مصلحةالطالب .. فقط نريدها ان تكون هذه الفتره علشان الطالب يبتدى مراجعه المناهج من الكتب المدرسيه

و علق ابراهيم الاحمدي .. واجهتنا فى الأعوام السابقة مشكلة مع الطلاب فهم حشروا فى متن الكتاب مذكرات المعلمين فأرى أن يكون الكتاب متاح إلكترونيا فقط على التابلت حتى لا نفاجئ بحالات التلاعب فى طباعة الكتاب ثم إن طباعة الكتاب جريمة انتهاك لحقوق الملكية الفكرية فالوزارة لم تعد تطبع كتب المرحلة الثانوية ورقيا وبالتالى طبعها وتصويرها يعد انتهاكا لحقوق الملكية الفكرية الأمر الذى يعد جريمة يعرض الطالب للمسألة إذن السبيل هو إتاحة الكتب إلكترونيا وفقط

وهنا قالت عايدة عبد الحميداظن ان هذا دور المراقب انا مينفعش احرم طالب مجتهدمن تدوين ملاحظاته علشان طالب غشاش وبعدين افه الغش دى افه مجتمعيه وظاهره موجوده منذ سنوات مش بس حصلت مع النظام الجديد بالعكس النظام الجديد فتح باب الابداع للطالب وحول الطالب من حافظ فقط لطالب فاهم ونتاج هذا النظام اكيد مش هنشوفه فى الوقت الحالى لاكن مع الدفعات الصغيره هيبان اكتر وانشاء الله هتكون هى دى ثوره التعليم الحيقيقيه

وقالت امل النجار ولا هتفيدهم في حاجة الأسئلة في النظام الجديد تعتمد كليا على الفهم والاستنتاج وجود الكتاب عامل مساعد فقط ممكن على سبيل المثال ابحث عن قانون يساعدني على حل مسألة ما لكن لو الطالب مش فاهم طريقة الحل لا القانون هينفعه ولا اي ملخصات هتفيده نظام الحفظ انتهي تماما، والله يا جماعة لو الطالب معاه كل الكتب والمراجع والملخصات مع النظام الجديد لو بجد مش فاهم ومستوعب المنهج جيدا ولا هيعرف يكتب حرف

وحضراتكم لاحظتم أسئلة الاختيار من متعدد تكاد تكون الإجابات متقاربة ومحتاجة طالب دارس المنهج بدقة شديدة.

قالت اماني فريد معلم خبير مع احترامى لجميع الآراء ولكن الطالب بيفضل وجود الكتاب المدرسى معاه علشان اتعود على المذاكره من الكتاب وبيكتب كل الملاحظات أو النقاط الهامه جنب الفقره اللى بيذاكرها لانه بيكون حفظ مكانها لكن الكتاب اللى على التابلت فاضى مش مدون عليه ملاحظاته .بل بالعكس موجود البار كود لفتحها والدخول البحث والاطلاع عن المعلومات اللى بيكون بالفعل هو طبعها ودونها جنبها فى الكتاب لكن على التابلت مش هايعرف يعمل كل دا علشان كدا بنقول الدخول بكتاب الوزاره مهم للطالب المجتهد وكمان اسهل فى البحث واسرع فى الحصول على النقطه اللى هو عايز يتذكرها لانه عارف هى فين وفى اى صفحه لكن على التابلت هاتاخد وقت فى الدخول على الموقع وهكذا .

ولكن اللى كاتب فيه مذكرات الدرس يتاخد منه فى اللجنه .

وممكن نخلى الأمور متاحه اللى عايز يدخل بالكتاب المدرسة بس مش فيه اى مذكرات الدرس تمام .أو بالتابلت زى ماالطالب يحب المهم فى النهايه أنه يكون مرتاح للطريقه اللى هاتساعده أنه ينجز وقت الامتحان كلها وسائل مساعده ليه ليس أكثر وليست للغش .بس الموضوع بسيط مش عايز كل اللخبطه وكل هذه الضجه.

وتساءل محمد صبري مدير مدرسةايه مشكلة الكتاب الالكتروني ماهو مش حيكلف اي مصاريف اضافيه .. ليه الاصرار علي الكتاب الورقي بالذات ... انا شايف أنه مفيش مبرر والتجربة الأخيرة ناجحة جدا ولم يستطع الطلاب الاختراق أو إيجاد ثغرات .. كل المطلوب فتح الكتاب من داخل صفحة الامتحان . لعدم التعرض من الخروج وعدم التمكن ..

وردت عليه امل النجار الغش الإلكتروني

وارد جدا إنه فيه طلاب تقدر تهكر التابلت زي ما عملوا قبل كدة ف اولى وتانية ونزلوا عليها واتس وتليجرام

فيه طلاب بيخططوا من دلوقت للغش بأي وسيلة.