رئيس مجلس الإدارة
طارق لطفى
رئيس التحرير
أحمد سليمان
هادى الباجورى عن بدلة رقص هند صبرى : " إحنا شعب بنمشي بمايوهات على البحر عادي"
علق المخرج هادي الباجوري على انتقادات الهجوم لـ "مسلسل البحث عن علا",بسبب ظهور الفنانة هند صبري ودينا بـ بدلة رقص بأحد مشاهد المسلسل، قائلا إننا شعب يعاني من انفصام في الشخصية
وقال الباجوري خلال لقائه مع الإعلامية ياسمين عز في برنامجها "كلام الناس": مشوفتش تعليقات الجمهور حول بدلة الرقص في مسلسل البحث عن علا، ولكن هو مشهد حقيقي بيحصل في الواقع في قعدة بنات وصاحبتك تجبلك بدلة رقص، وشخصية علا كان نفسها تجرب حاجة جديدة وترقص فـ صاحبتها اللي بتقوم بـ دورها دينا جابتلها بدلة رقص عشان المشهد يتعمل صح.
واضاف الباجورى: أحنا شعب دافن راسه في التراب وعندنا انفصام في الشخصية والأحسن اللي مش عاجبه ميتفرجش إنما كدا أنتوا بتبوظوا شغلي وأنا بقيت أتجاهل أي تعليق بسبب كدا لأن الناس سابت نجاح المسلسل والقصة وركزت على بدلة الرقص، أنا مش شايف إيه المشكلة، ما ده بيحصل عادي، والناس بتمشي على البحر ب مايوهات عادي.
وقال هادي الباجوري: إن الجمهور لا يرى حجم المجهود الذي يتم بذله في الأعمال الفنية، ويتفرغون للهجوم فقط.
اترك تعليق