رئيس مجلس الإدارة
طارق لطفى
رئيس التحرير
أحمد سليمان
نيللى كريم تكشف كواليس وفاة والدها
كشفت الفنانة نيللي كريم عن كواليس وفاة والدها، موضحة أنها تشعر بروح والدتها حولها حتى تلك اللحظة، بجانب حديثها عن علاقتها بأولادها وزيجاتها السابقة.
وقالت نيللي خلال لقائها في برنامج "بصراحة" الذي يجمعها برفقة الفنانة مايا دياب: لما والدي توفى مكنتش ساعتها فاهمة مدى المصيبة والحدث، وكنت صغيرة وعندي 16 سنة وماما وأخواتي كانوا مخبيين عليا وكنت بسألهم يقولولي عنده برد وهيبقى كويس، وماما عملت كل حاجة ممكنة أني متأثرش وخبت ومشوفتش أمي ولا مرة بتعيط غير مرة واحدة لوحدها، وهي طول الوقت كانت قوية وماسكة نفسها.
وأكملت: وحسيت لما بقيت أكبر وبقيت أقول لو بابا كان عايش مكنش دا حصلي.. وبحس بروح بابا وأنه موجود وماما بتحس بيه على طول وعندها الروحانيات عالية جدا وبتقولي الحاجة قبل ما تحصل، ومن 7 سنين حصلتلها جلطة في المخ وساعات بتنسى حاجات كتير وتقول كلام محصلش، وممكن تقول حاجة وبعد أسبوع تحصل وأنا مؤمنة أن فيه ناس روحانيتها عالية جدا بسبب النقاء اللي في قلبهم
اترك تعليق