رئيس مجلس الإدارة
طارق لطفى
رئيس التحرير
أحمد سليمان
وفاء عامر تكشف عن موقفها من الخيانة الزوجية
كشفت الفنانة وفاء عامر، عن موقفها من الخيانة الزوجية، بعد إثارتها للجدل بسبب بعض المفاهيم التي وصلت بطريقة خطأ للجمهور.
وقالت عامر، في تصريحاتها الأخيرة مع الإعلامي عمرو أديب، وذلك ردا على سؤاله لها: لو جوزك خانك؟ وردت عليه سريعا: حتى لو خانني هبقا أنا السبب، لأن زوجي له حاجات كتيرة تشفع له وأنا الحمد الله جوزي المنتج محمد فوزي مش خاين. مما أثار جدلا كبيرا بسبب الفهم الخاطئ لكلامها على أنها تدافع عن الخيانة.
وأوضحت الفنانة، قصدها من هذه التصريحات في مداخلة هاتفية لها ببرنامج حضرة المواطن: الست هي اللي بتعمر البيت وأنا واثقة جدا جدا في جوزي وأنا لم أقل حتى لو خاني الجملة دي قالها الإعلامي عمرو أديب، فبلاش الناس تختار العناوين الحراقة اللي هتجيب فلوس أكتر، لكن عمرو أديب هو اللي قال الجملة مرتين.
وتابعت وفاء : وأنا قولت لعمرو أديب لو ده حصل فهبقا أنا السبب؛ لأن إهمال الست لجوزها بيبقا السبب، وتقليلها منه بيبقا السبب، أو إحساسها إنها أقل منه بكتير بيبقا السبب، أو إنه بيكون أعلى منها بكتير بيبقا السبب.
وأضافت عامر: بقول لكل الناس اغفروا لبعض وسامحوا، والأزواج اسمعوا بعض، ولكل زوجة لازم تكملي.
اترك تعليق