رئيس مجلس الإدارة
طارق لطفى
رئيس التحرير
أحمد سليمان
كيكه الشكولاته بالخلاط للشيف عبير سيد... مطبخ صابرين بالصور
تعرفى على اجمل واسهل طريقه لعمل كيكه الشكولاته فى الخلاط من مطبخ الشيف عبير سيد
مده التحضير: 15دقيقه
مده الطهى 40 دقيقه
اسم الشيف/عبير سيد
المقادير
2كوب دقيق
كوب وربع سكر
كوب لبن
نصف كوب زيت
3بيضات
2معلقه كبيره كاكاو خام اسبانى
كيس بكنج بودر او معلقه كبيره
معلقه صغيره فانيليا
2معلقه كبيره خل ابيض
الطريقه
اولا ننخل الدقيق مع البكنج بودر والكاكاو كويس جدا
بعد كده نضع فى الخلاط البيض والفانيليا والزيت والسكر واللبن ونضربهم مع بعض كويس بعد كده نضيف الخليط على الدقيق ونقلبهم مع بعض كويس واخر حاجه ننزل بالخل مهم جدا اضافه الخل اخر حاجه علشان هو اللى بيخلى الكيك هاش جدا ننزل بالخليط فى صاج مقاس 30*40 او اكبر صنيه مستطيله عندك نفرد الخليط كويس فى الصاج وندخله الفرن ساخن مسبقا فى الرف اللى فوق لمده 40 دقيقه بعد ما تخرج من الفرن نسبها تبرد خالص بعد كده نسقيها بكوب اللبن ونفرد عليها الكريم شانته وصوص الشكولاته وندخلها الثلاجه لمده ساعتين
وتطلعيها تقطعيها حسب الرغبة
لسقى الكيك
كوب لبن 200مللى
لعمل صوص الشكولاته
كوب الا ربع لبن
نصف كوب سكر
نصف كوب كاكاوخام اسبانى
ربع كوب زيت يكون نوعه كويس
نقلب كل المقادير مع بعضها ونحطها على النار مع التقليب المستمر واول ما تدخل فى الغليان نطفى النار ونسبها ترد نهائي
لعمل الكريم شانتيه
125 جرام كريم شانتيه
2معلقه كبيره سكر بودر
معلقه صغيره كاكاو خام
كوب وربع ميه ساقعه
نضرب كل المقادير بالمضرب الكهربائى لحد ما الكريم شانتيه قوامه يتقل معانا
كيكه الشكولاته بالخلاط للشيف عبير سيد... مطبخ صابرين بالصور
كيكه الشكولاته بالخلاط للشيف عبير سيد... مطبخ صابرين بالصور
اترك تعليق