رئيس مجلس الإدارة
طارق لطفى
رئيس التحرير
أحمد سليمان
- ليفاندوفسكي: برشلونة تأثر بالإصابات.. وعلى أوروبا أن تكون مستعدة لنا
- آخر موعد للتقديم في مسابقة الأزهر الشريف للمعلمين
- موعد مباراة الأهلي وجامعة سيدني في كأس العالم للأندية لكرة اليد
- لاعب فولهام الإنجليزي: صلاح أصعب منافس واجهته.. وتأثيره عالمي
- النشرة العقارية| جولة في أبرزالأخباراليوم الجمعة 26 سبتمبر 2025
مطبخ صابرين.. كب كيك نوتيلا وكراميل وفراولة للشيف مروة امارة
الشيف مروة امارة عملت أنواع مختلفة من الكب كيك منها كب كيك بالنوتيلا والكريم كراميل والفراولة والبلاك فورست بطريقة بسيطة وطعم رائع
(كب نوتيلا) ( كب كراميل) (كب فراوله) ( كب بلاك فورست)
كيك الفانيليا :
نص كوب زبده
نص كوب لبن
كوب سكر
كوب و نص دقيق منخول
معلقه كبيره كيك شيف
معلقه صغيره فانيليا سائله او بودر
٢ بيضه
الطريقه :
هنضرب الزبده و السكر و اللبن و البيض و الفانيليا في الخلاط و نجيب بوله فيها دقيق و بيكنج بودر و ننزل بالخليط السائل و نقلب بالويسك لحد ما المكونات تندمج و الدقيق يختفي و ننزل الخليط في صنيه مدهونه سمنه او زبده و ندخلها فرن سخن على درجة حراره ١٨٠ لمدة نص ساعه و نختبرها و لما تطلع من الفرن نسيبها تبرد و نستخدمها.
كيك الشوكولاته :
نص كوب زيت
نص كوب لبن او رايب
كوب سكر
كوب و ربع دقيق منخول
ربع كوب كاكاو خام
٢ بيضه
معلقه كبيره كيك شيف
معلقه صغيره فانيليا
رشة نسكافيه ( اختياري )
الطريقه :
هننخل الدقيق و الكاكاو و البيكنج بودر في بوله و نضرب الزيت و اللبن و السكر و البيض و الفانيليا في الخلاط و ننزل بيهم على الخليط الجاف و نقلب لحد ما الدقيق يختفي و ننزل خليط الكيك في صنيه مقاس ٢٤ مدهونه زبده و ندخلها فرن سخن على درجة حراره ١٨٠ لمدة نص ساعه و نطلعها تبرد و نستخدمها .
الكريمه :
لتر كريمة خفق ( ٤ كوب )
كوب كريم شانتيه محلى
الطريقه :
هنضرب كريمة الخفق مع الكريم شانتيه لحد ما القوام يكون وسط مش تقيل و دي هتكون الكريمه الأساسيه اللي هنضيف عليها اي نكهه.
كريمة الكراميل :
كوب من الكريمه المخفوقه
٢ معلقه كبيره من الكراميل
كريمة النوتيلا :
كوب من الكريمه المخفوقه
٢ معلقه كبيره من النوتيلا
كريمة الاوريو :
كوب من الكريمه المخفوقه
باكيت بسكوت اوريو مفتت
كريمة الراسبري :
كوب من كريمة الخفق
٢ معلقه كبيره صوص راسبري
كريمة اللوتس :
كوب من الكريمه المخفوقه
٢ معلقه كبيره لوتس
طريقة الكب :
طبقة كيك لو شوكولاته هنسقي بجناش شوكولاته و لو فانيليا هنسقي بسيرب خفيف او مية كمبوت خوخ او اناناس و بعدين طبقة كريمه و بعدين كيك تاني و كريمه و اخر حاجه التوبينج حسب الكريمه يعني كراميل او اوريو او شوكولاته مبشوره او راسبري او فراوله او نوتيلا او لوتس .
ملحوظه :
الكيك المستخدم في الكب بيكون مفتت .
النوتيلا و اللوتس بنسيحها على حمام مائي .
لو التوبينج هيكون فواكه لازم نلمع بجيلي عادي او جيلي تلميع على البارد .
اترك تعليق