بقلم: ياسمين شندي

استمد طاقتك من الأخرين ممكن يكون عنوان غريب عنوان يخليك تسأل نفسك ازاي استمد طاقتي من الاخرين وليه اصلا استمد طاقتي منهم ؟ ما أنا ميهمنيش الكلام ده ؟!! 
وهنا هقولك لا  اقف! 
ماهو مَش اي اخرين 

احنا بنفرح من كلام فلان اللي قالك الله اد ايه شغلك جميل. بنفرح من كلمة حد قالها في وقت كنا محتاجينه زي علي فكره انت لبسك جميل النهاردة ، علي فكره  انت مبدع  في مجالك ،  فكرتك عجبتني احنا بنستمد طاقتنا من الكلام وطبعا مَش أي كلام ، ساعتها بس بنحسن من نفسنا اكتر  لما بنسمع كلمه حلوه اتقالت في حاجه بنعملها ،او لبسنها ثقتنا بنفسنا بتزيد اضعاف .

وفي نفس الوقت بنحب الشخص بنحسه اد ايه هو شخص لطيف ومميز ، مميز بكلامه وافعاله مميز بطريقة تعامله مع الناس احنا بنقع في حب الاشخاص اللي بتجمل يومنا بكلامهم، واللي بتخلينا نتغير للأحسن. محدش فينا يستاهل انه يعيش طول عمره يبرر انه مش انسان  وحش

قالوا: الإنسان يقع في حب من يجعله  يقع في حب نفسه. احنا بنحب كل كلمة حلوه بتطلع  من الناس اللي شايفه اننا فعلا حلوين احنا بنحب الكلمات اللي بتحتوينا، والكلمات اللي بتحسسنا بالتقدير  واننا فعلا مميزين عن غيرنا حتي لو احنا  مختلفين بحاجه بسيطه، لكن احيانا الناس اللي بتحبنا  هما اللي بيكتشفوه حجات جوانا اول مره نشوفها  وهما اللي بيخرجوها لينا، في وسط مجتمع مليان بالحقد والكراهيه احنا اغلبنا بيقول انا مش محتاج كلمه حلوه من حد انا كويس كده لوحدي 

. مفيش اسوء  من أنك تكون  قويّ  لدرجة

أن مفيش حد يتوقع  انك محتاج مساعدة  

 لكن لو حاولت تساعدةً بكلامك  هيتغير مزاجه حرفيا ،وهيستعيد تفكيرة  للاحسن  كل يوم بيفضل فاكر الكلمه ولو كانت شكر او اعجاب بيبص كل يوم علي نفسه في المرايه ويفتكر الكلمه دي بالذات الكلمة  اللي هتديله الباور اللي يشتغل بيها طول اليوم  هيعمل كل حاجه  وهو حاسس انه جميل، سواء في الطبع او الشكل، احنا الكلمه بتغيرنا  اوي  زي ما ممكن تبني شخص وتحسسه بالأمان والحب والتقدير من اللي حوليه...

علي اد ما الكلمه ممكن تهده وتحسسه بعدم الرغبه في وجوده، ممكن تغيره من شخص واثق لشخص غير واثق تماما. مش اي حد تديله ثقتك عشان في ناس هتكون سبب ف انك متعرفش تثق ف حد بقيت  عمرك  
أهربو من الناس السلبية اللي بتسحب طاقتكم علي الفاضي ، حاولو تشترو السلام النفسي بأي تمن ، حتي لو التمن انكم تخسرو معظم اللي حواليكم 
في ناس في حياتنا تستاهل نعملها Delete

نصيحه  : لوعرفتوا انكم تحببو الناس في نفسها ، وتعيدو ليهم ثقتهم الداخلية ، وتعينوهم على رؤية جمالهم، اعملو كده  اضيئو اروح الناس بكلامكم الطيب  ولو في حياتكم  ناس في عينهم انتو 
 الأجمل حافظو عليهم  اوي دول من نوادر الزمن