هيرمس
    مصر
  • 29℃ القاهرة, مصر

رئيس مجلس الإدارة

طارق لطفى

رئيس التحرير

أحمد سليمان

زوج المطربة شاهيناز يرد على اتهامات تعديه عليها ويؤكد: كنت بدافع عن نفسى.. فيديو
كشف رجل الأعمال إيهاب محمود، زوج المطربة شاهيناز ضياء النجار نجمة ستار أكاديمي،

كشف رجل الأعمال إيهاب محمود، زوج المطربة شاهيناز ضياء النجار نجمة ستار أكاديمي، حقيقة ما حدث بينهما، وقال إنه فوجئ بما تم نشره على لسان زوجته وحماته, مؤكداً أنه لم يحدث على الإطلاق أن ضربتها أمام المارة، خاصة وأننا منفصلين أساساً منذ عامين ونصف، وقال هى" قالت كلام محصلش، وأنا لحد دلوقتي ساكت متكلمتش، واتشهر بيا علي السوشيال ميديا".

 


وقال "محمود"، خلال مداخلة هاتفية ببرنامج "حضرة المواطن"، المُذاع عبر فضائية "الحدث اليوم"، "أنا عرفت إنها خارج مصر بقالها أسبوع، كانت في دبي وإندونيسيا، ومكنتش اعرف انها مسافره، وهي الفروض كانت معرفاني إنها مسافره الجونة أو العين السخنة علشان شغل، واتفقنا إنها تسيب معايا ابننا.. يعنى الولد كان معايا مخطفتهوش زي هي ما قالت، وهي بتقول إني اعتديت عليها وضربتها هي ووالدتها، ووالدتها مفيش فيها أي إصابات".

 

وتابع "زوجتي عندها جيوب أنفية وأي لمسة في أنفها بتنزل دم، وهي خدت سيلفي ونشرت صورة تقول إني خطفت ابنها، وأنا اتفاجئت بالكلام دا كله، وفضلت ساكت لحد لما لقيت الدنيا اتشهرت واتطورت، أنا ايدي ما اتمدتش عليها، وكنت بدافع عن نفسي لما هما كانوا بيتعدوا عليا، ومرضيتش اضربها علشان ما يتقالش إني ضربت ستات".

 

وأوضح: "مراتي جات قالت لي أنا عايزه الولد، وأنا قولتها حاضر هجيبلك الولد، ومفيش أي مشكلة بيني وبينها، وإحنا أصلا بقالنا سنتين ونص منفصلين عن بعض، وايه إللي هيخليني أضربها في الوقت دا، وهي كانت رفعت قضيت خلع وأنا قولت لها مفيش مشكلة"، وتابع: "الموضوع هيتحول للقضاء والمحامي بتاعي هيتحرك الصبح".

 

ولفت: "كل إللي حصل إنها ووالدتها اتعدوا عليا بشتائم وألفاظ مينفعش إنها تتقال، ووالدتها معروف عنها إن إيديها طويلة ولسانها طويل، ولو اتكشف علي مراتي طبي دلوقتي هيلاقي إن مفيش أي مشكلة في أنفها، ولو هي مصابة بالمنظر المنشور علي السوشيال ليه والدتها سليمة، وهي سليمة في بيتها مفيش فيها أي حاجه". 






تابع بوابة الجمهورية اون لاين علي

تابع بوابة الجمهورية اون لاين علي جوجل نيوز جوجل نيوز

يمكنك مشاركة الخبر علي صفحات التواصل

اترك تعليق