كتب - المتدرب سعيد خالد
شهدت أسواق الاسماك الفترة الأخيرة إرتفاعا ملحوظا في الأسعار مما زاد من إستياء المواطنين في ظل إرتفاع متزايد دون توقف في السعر، حيث ظهرت العديد من الحملات التي تطالب بمقاطعة الأسماك لمواجهة تلك الزيادة في الأسعار لإجبار التجارعلي تخفيض السعر خوفاً من فساد الأسماك وتكبدهم لخسائر متعددة._x000D_ _x000D_ ووصلت نسبة الزيادة في أسعار السمك مقارنة بالأسعار من ثلاث أشهر مايقرب من 50% حيثث وصل سعر سمك البطلى 30 جنيه ويتراوح البوري مابين 40 و 50 جنيه وبالنسبة للجمبري وصل إلي 130 جنيه والمكرونة السويسي 48 جنيه._x000D_ _x000D_ وفي جولة ميدانية للجمهورية اون لاين في الشوارع تحدثت رباب " ربة منزل " قائلة: (لابد من مقاطعة شراء الأسماك حتي تعود الأسعار إلي طبيعتها نعاني بشدة في ظل إرتفاع الأسعار فنحن غير قادرين علي الشراء في وسط تلك الأسعار)._x000D_ _x000D_ وقال السيد " موظف " : " احنا اصلا مقاطعين ومجبرين علي كده الأسعار بقت غالية أوي حرام المرتب مبقاش يكفي أكل والعيال مصاريفها كتير غير المدراس والسمك بقي غالي أوي مش عارفين نشتريه ومش فاهمين إيه السبب بالظبط في الأسعار دي إرتفاع الدولار ولامبقاش فيه سمك في البحر ولا ايه؟ "._x000D_ _x000D_ وأبدي مصطفي " عامل " موافقته علي المقاطعة قائلاً: "المقاطعة هتكون في صالح المواطن، التجار هتخاف من فساد السمك، والاسعار ستهبط "._x000D_ _x000D_ وقالت جهاد:" في يوم ماما قالتلي انزلي اشتري سمك وادتني خمسين جنية زي زمان كنا ممكن نجيب سمك ب 30 جنية وجاهز ويكفينا كلنا ونتغدا قولتلها الخمسين جنية مش هتجيب حاجة ومنزلتش ولو روحت السوق علشان نجيب سمك ونعمل معاه رز وسلطة مش اقل من 150 جنية الطماطم ب10 والفلفل10والبقدونس الربطة نص جنية حررام يا بلد حرام "._x000D_ وقال "إبراهيم"، بائع : الأسعار ارتفعت ولا يوجد بيع، والإقبال أصبح ضعيف والأمور تصبح أسوء بعد تلك الحملات التي تطالب بالمقاطعة، المعاناة تزيد علينا والأمور للأسوء._x000D_ _x000D_ وأضاف " محمود " بائع أسماك آخر: "مبقاش فيه بيع الحال بقي واقف خالص الأسعار بقت في إرتفاع وإحنا ملناش يد في الموضوع السعر بيزيد بسبب الدولار وقيمة الجنيه تقل حتي السمك المستورد_x000D_ سعره زاد والناس بتبصلنا إن إحنا اللي حرامية "._x000D_ _x000D_ وعلى الجانب الأخر أصدر المهندس طارق قابيل وزير التجارة والصناعة قراراً بفرض رسم صادر علي صادرات الاسماك الطازجة والمبردة والمجمدة بواقع 12 الف جنيه للطن وذلك لمدة 4 اشهر من تاريخ نشر القرار بالوقائع المصرية ،وقد نص القرار علي عدم سريان هذا الرسم علي الاسماك المصنعة مثل ( المدخنة او المعلبة) وكذا الرسائل المصدرة من الاسماك الي دول الاتحاد الاوروبي نظراً لوجود قواعد منظمة للتصدير لتلك الاسواق . _x000D_ _x000D_ وبحسب أراء الخبراء أن مثل هذا القرار ليس بالكافى لتوفير احتياجات السوق المحلى من الأسمالك مطالبين بزيادة الانتاج وزيادة الاستزراع السمكى.