رئيس مجلس الإدارة
طارق لطفى
رئيس التحرير
أحمد سليمان
مراد مكرم يعلن انتهاء تعاقده مع شبكة قنوات CBC
أعلن الفنان والإعلامى مراد مكرم انتهاء تعاقده مع شبكة قنوات CBC بعد سنوات من العمل.
شارك مراد مكرم صورة عبر حسابه الرسمى بموقع فيسبوك وكتب: بعد سنوات من العمل، أعلن اليوم عن انتهاء تعاقدى مع شبكة قنوات CBC الخبر ده مش سهل يتكتب في سطرين لأن CBC ما كانتش مجرد شاشة بطلع منها دى كانت بيتى التاني.
تابع: من أول يوم دخلت فيه المكان ده وأنا حاسس إنى وسط عيلة حقيقية بتشتغل بحب باحترام وبإيمان إن اللى بنقدمه للناس لازم يكون نابع من ضمير حقيقى ومسؤولية.
أضاف: بحب أشكر كل حد اشتغلت معاه قدام الكاميرا ووراها .. من إدارة، إعداد، إخراج، فريق إنتاج، زملاء ومذيعين .. كل شخص ساهم فى تجربة عمر وكل شخص علمنى حاجة حتى من غير ما يقصد .. كان فيه دعم وكان فيه احترام وده أغلى حاجة ممكن أى حد يطلع بيها من مكان شغل.
وإختتم: أغلق صفحة مهمة فى حياتى المهنية وأنا ممتن لكل لحظة فيها ومتطمن إن اللى جاى مكمل على اللى فات .. بخبرة أكبر وقلب هادى ونية صادقة.
واختتم مراد مكرم: «شكرا CBC، وشكرا لكل اللى كانوا جزء من الرحلة، إلى لقاء جديد، وخطوة جديدة بإذن الله».
اترك تعليق