أؤيد رفض الأرض البديلة.. شيكابالا يطالب المسؤولين بمساندة الزمالك

الأحد 14 ديسمبر 2025 1:27:05 ص

علق محمود عبدالرازق شيكابالا قائد الزمالك السابق، على بيان مجلس إدارة النادي برئاسة حسين لبيب، حول رفض مقترح الأرض البديلة لأرض النادي في 6 أكتوبر.

وقال شيكابالا فى تصريحات إعلامية عبر شاشة إم بى سى مصر: «بصراحة أنا كواحد زملكاوى انبسطت من بيان النادى برفض فكرة الأرض البديلة».

وتابع: «لأن دى أول مرة أشوف مجلس الزمالك بيقف مع جماهيره قبل كل حاجة بيقف مع الجماهير اللى كانت بتطالب بالوقفه دى من فترة».
وأضاف: «إحنا عايزينهم يقفوا واحنا فى ضهرهم كده احنا مش ضد حد. لا احنا مع الزمالك بس، أنا دلوقتى بتكلم كواحد من جمهور الزمالك مش كلاعب كورة».

وواصل: «إحنا نادي بيحارب كل يوم عشان يبقى موجود مش علشان ننافس. الزمالك جزء من الدولة، فلازم تقفوا معانا إحنا مش بنلعب دور الضحية».

وشدد على: «مش بنلعب دور ضحية وفى الأول وفى الأخر انت مطالب يعنى تساندنى وتساعدني».