رئيس مجلس الإدارة
طارق لطفى
رئيس التحرير
أحمد سليمان
رحلة معاناة طلعت زكريا مع المرض قبل وفاته
تحل اليوم الذكرى الخامسة لوفاة الفنان طلعت زكريا، الذي رحل عن عالمنا في 8 أكتوبر عام 2019، عن عمر ناهز 59 عامًا نتيجة أزمة صحية، تاركًا لنا العديد من الأعمال الكوميديا والشهيرة .
كان طلعت زكريا كشف خلال لقاء تليفزيوني سابق تفاصيل معاناته مع المرض، قائلًا: في عز الأزمات والألم اللي كنت فيها كان عندي يقين إن ربنا هيرجعني تاني مش عارف ليه، وأصلا مكنش حد يشوفني ويقول إني هرجع، مش أرجع أمثل لا أرجع أعيش تاني، مؤمن إن التعب مش بلاء ده قرصة ودن، فقعدت أفكر وأنا على سرير المستشفى اشمعنا أنا اللي يجيلي الفيرس ده، اللي بيجي لواحد في المليون.
واضاف طلعت زكريا: في كل مليون بني آدم ربنا اختارني، قعدت أفكر لقيت نفسي رايح في حته وحشة بعد فيلم حاحا وتفاحة، انهالت عليا العروض وكانت الفلوس بتترمي قدامي وييجي المنتجين يسيبوا فلوس ويمشوا، فبدأ إحساس الغرورو يركبني شوية، وبقيت أفكر في حاجات مش حلوة وكنت خلاص ماشي فيها، كنت ماشي في كل شيء ممكن تسميه خطأ في الحياة، وكنت عمال أخبط في الدنيا، فقولت لنفسي لا اصحى بقى ربنا اللي عمل فيك كده وخلاك تكون حاحا وأنت ناوي بالكرم اللي ربنا ادهولك تعمل كده لا فوق بقي.
وتابع طلعت: أثناء 3 سنين تعبي عمري ما قولت ليه يا رب أو اشمعنا، بس كان عندي يقين إني هبقى كويس كنت بقرأ قرآن، وكان بيدخل عليا عصابات من الدكاترة ياخدوا حقنة من النخاع علشان محسش بوجع الحقنة، كنت بقول ربنا مبيعملش حاجة وحشة ولا بيأذي بني آدم إحنا اللي بنأذي نفسنا، ربنا جميل.
اترك تعليق