رئيس مجلس الإدارة
طارق لطفى
رئيس التحرير
أحمد سليمان
- تفاصيل حفل فرقة عبد الحليم نويرة على المسرح الكبير بالاوبرا
- تشيع جثمان والد المطرب عمرو أبو زيد من مسجد السيدة نفسية
- معلومات تغير المناخ يحذر المواطنين من انخفاض حاد في درجات الحرارة حتى الأربعاء المقبل
- أهم جوائز وتكريمات الكاتب وحيد جامد تعرف عليها ..ذكرى رحيلة
- أحلام الفتى الطائر.. الغول ..الهلفوت التخشيبة أهم أعمال وحيد حامد
" حسيت إن الناس طبطبت عليا".. حماقى يكشف كواليس أغنية " ما بلاش"
كشف الفنان محمد حماقي ، على كواليس أغنية " ما بلاش"، التى حققت نجاحا كبيرا فى الوسط الفنى .
وقال محمد حماقي: حسيت إن الناس طبطبت عليا خلال مؤتمر صحفي، أقيم بالأمس على هامش مشاركته في مهرجان قرطاج الدولي: مكنتش عايز من البداية أستنزف مشاعر الناس ولا إن الناس تتعاطف من قبل ما تسمع عشان تحب الأغنية، دي مش طريقتي، واحتفظت بما في داخلي لنفسي، وقدرت أقوله بعد حوالي 7 سنين بعد ما مبقاش فيه شبه استعطاف للناس.
واضاف محمد حماقي: أنا محستش بفرحة ولكن حسيت إن الناس طبطبت عليا، عارف لما تضعف جدا وتلاقي حد بيطبطب عليك وحاسس بيك، هو ده اللي أنا حسيت بيه إني لما عبرت عن وجعي بالأغنية ولقيت كل الناس متعاطفة حسيت كأن الناس بتطبطب عليا، استقبال الناس كان مختلف وحسيت إن الناس في ضهري وحاسين بيا.
وتابع محمد حماقي: وليا واحد صاحبي مخرج اسمه ميدو شعبان كلمني يوم نزول الألبوم ووقف عند أغنية ما بلاش وسألني قالي هي الأغنية فيها حاجة؟ أنا مش حاسس إنها أغنية حاسس إنها أشبه بترتيلة أو بصلاة فيها حاجة روحانية زيادة عن الأغاني، وقولتله كلامك أثر فيا وحكيتله سبب الأغنية قالي وصلني الإحساس وأنا بسمع الأغنية من غير ما أعرف وأظن إن ده اللي وصل للناس.
وأختتم محمد حماقي: صدق مشاعرك في الغنا أسرع وأسهل طريقة لوصول الأغنية للجمهور، كل ما كنت صادق في اللي بتقوله كان الوصول للناس أسهل، ودي مدرستي في الغنا، مش بغني من دماغي أنا بغني من مشاعري ومن جوا ولازم أبقى مصدق.
اترك تعليق