رئيس مجلس الإدارة
طارق لطفى
رئيس التحرير
أحمد سليمان
عبد الرازق: خسارة كأس الرابطة مش ذنبي ومكنتش عارف أرجع بورسعيد
قال ميمى عبد الرازق، مدرب المصري السابق والداخلية الحالي، أنه لم يكن له أي ذنب في خسارة فريقه لكأس الرابطة.
وأضاف ميمي عبد الرازق في تصريحات تليفزيونية: "التخطيط الجيد، وعودة الروح، كل ذلك ساهم في ظهور المصري معي بشكل مميز".
وتابع: "مكانش ليَ ذنب في خسارة المصري لنهائي كأس الرابطة، خاصة أنه كان هناك أخطاء من اللاعيبة في أول 5 دقائق بطريقة غريبة".
وأشار: "تأثرت غصب عني قبل الماتش بجماهير المصري، وكنت هتشال على الأعناق لو كنا كسبنا كأس الرابطة، ولو كسبت كأس الرابطة كنت هرجع بورسعيد (مشي)، ومكنتش عارف أرجع بورسعيد بعد الماتش ده".
وواصل مدرب المصري السابق والداخلية حاليا أن هدف سيراميكا كليوباترا الثالث في شباك المصري بنهائي كأس الرابطة من طرائف وعجائب الكرة المصرية.
ولفت ميمي عبد الرازق قائلًا: "الجون ده لو اتعاد 100 مرة مش هيجي بالطريقة دي نهائي، والموضوع كان غريب، مكانش في مؤامرة على حسام حسن، بالعكس الراجل كان بيجيلي قطاع الناشئين ويتواصل معايا".
واختتم: "أنا جيت بعد حسام حسن، مجتش قبله، ومش قراري أنا كان قرار مسئولي المصري".
اترك تعليق