رئيس مجلس الإدارة
طارق لطفى
رئيس التحرير
أحمد سليمان
النجمة يسرا اللوزي:
ريهام حجاج شجعتني علي تقديم دور "شيري" في مسلسل "جميلة"
قالت النجمة يسرا اللوزي أنها سعيدة بدور "شيري الذي قدمته في مسلسل جميلة وعلقت: البركة في ريهام حجاج هيا اللي شجعتني اعمل الدور.
تضيف يسرا اللوزي: بصراحة حبيت ابعد شوية عن أدوار الطيبة والبنت الكيوت.. الدنيا فيها نوعيات كتيرة من البشر حتي لو شخصيات سلبية لازم نعرضها عشان الناس تعرف أن اللي يبان صاحبك اوي ممكن يطلع اكتر واحد كارهك.
وتقول النجمة يسرا اللوزي: جربت أدوار الشر من قبل في فيلم "شنطة حمزة" لأني قدمت شخصية أمينة عضو في عصابة نصب واحتيال. لكن الفيلم يكل شخصياته دمه خفيف.. لكن شيري تركيبة معجونة بالشر والغيرة من "جميلة" وعاوزة تبقي صاحبة فيلا وفلوس في البنك باي طريقة حتي لو تجعل زوجها يتجوز واحدة تانية عشان ياخد فلوسها لكن بتخطيط شيري.. وصحيح في الآخر اخدت فلوس من جميلة مقابل أنها تعترف علي زوجها لكن خسرت أصحابها واحترامهم ليها.
وتضيف: ردود أفعال الجمهور علي السوشيال ميديا والكره المكتوب في الكومينتات لشيري اسعدني جدا.. بس خايفة المخرجين والكتاب يركزوا بعد كدة عليا في أدوار الشر.. مش عايزة الناس تتضايق مني.عن لقب ام البنات الذي أطلقه البعض عليها تقول: مبسوطة طبعا باللقب.. البنات رزقهم واسع وسند الأم والأب.. عمري ما فكرت اني اكون أماً لولد أو بنت.. كل اللي يجيبه ربنا حلو.. المهم نربي أولادنا صح بدون تمييز وناخد بالنا منهم من اول لحظة يتولدوا فيها عشان لو لا قدر الله فيه مشكلة يقدر الأهالي معالجتها بدري وده اللي حصل مع بنتي الكبيرة فريدة لما اكتشفت من البداية أن عندها مشكلة في السمع.. تربية الأطفال مسئولية احنا جبناهم عشان نحافظ عليهم ونفرح بيهم بيكبروا قدام عنينا.
اترك تعليق