رئيس مجلس الإدارة
طارق لطفى
رئيس التحرير
أحمد سليمان
علا غانم: كل اللي عايزاه أخف وحقي يرجعلي
رفضت النجمة علا غانم كل محاولات الصلح مع زوجها وأكدت في أول ظهور لها بعد تعافيها من أزمتها الصحية أنها تعيش بسببه كابوساً ولكنه سيدفع الثمن وقدمت علا الرواية الكاملة لقصتها مع زوجها مؤكدة أنه لا ينفق عليها كما يزعم وأن الشبكة المقدمة لها تبين أنها فالصو وقالت إنها واثقة في استعادة حقوقها.
قالت علا غانم خلال حلولها ضيفة على برنامج صبايا الشمس الذي تقدمه الإعلامية ريهام سعيد على قناة الشمس: بيبعتلي رسايل كل يوم بالـ20 رسالة ومبسمعهمش مش بقدر أسمع صوته ولا عايزة أشوفه ومش عايزاه يسأل عني وكل اللي عايزاه أخف وحقي يرجعلي .. وهيرجعلي أنا واثقة.
تابعت: أنا بشتغل من صغري وبحقق كل اللي نفسي فيه وعمر ما حد جابلي فستان ولا قولتله خرجني .. أنا اخترت أكون أنا الست اللي بتجيب قرشها.
واختتمت حديثها مشيرة إلى سبب اختفائها تلك الفترة: مكنتش عايزة أطلع إلا وأنا بحالة جيدة وقوية وعارفة أنا بقول إيه وعايزة أقول إيه وهكون كويسة ويمكن عشان أنا صعبان عليا علا شوية عشان لسه موجوعة لكن أما أخف خالص هكون كويسة وحقي لازم هيرجع.
اترك تعليق